AQSH rasmiylari Rossiya bilan savdo qilgani uchun turk ishbilarmonlariga tahdid qildi

^{Foto: Independent}
Amerikalik amaldorlar Rossiya bilan savdo qilgani uchun turkiyalik ishbilarmonlarning kompaniyalariga sanksiya kiritish bilan tahdid qildi. Bu haqda Aydinlik xabar berdi.

Holat yuzasidan turk ishbilarmonlari amerikalik amaldorlarga qarshi sudga murojaat qilmoqchi. AQSH Savdo vazirligi xodimlari avvalroq turk kompaniyalari va moliya institutlariga tashrif buyurib, Moskva bilan hamkorlikni to‘xtatishni talab qilgan.

Turk tadbirkorlari pul o‘tkazmalarini rasmiylashtirmagan va AQSHga maxfiy ma’lumotlarni taqdim etgan banklar ustidan sudga murojaat qilishga hozirlik ko‘rmoqda. Ba’zi tadbirkorlarga ko‘ra, bir qator banklar xodimlari “AQSH moliya tizimining agentlari” sifatida ishlaydi, ular mijozlar haqidagi barcha turdagi shaxsiy ma’lumotlarga ega.

Ma’lumotni shtatlarga topshirgandan so‘ng, bank bosim ostida qoladi, deyiladi maqolada. Turkiya shu paytgacha Rossiyaga qarshi sanksiyalar qo‘llamagan, shuning uchun turk kompaniyalariga qarshi harakatlar noqonuniy hisoblanadi, deydi jurnalistlar.

“Prokuratura banklar tomonidan fuqarolarning shaxsiy ma’lumotlarini ochiqlash masalasi bilan shug‘ullanishi mumkin, chunki bu shaxsiy ma’lumotlarni himoya qilish to‘g‘risidagi qonunga to‘g‘ri keladi”, — deydi Hajettepe universiteti xalqaro huquq kafedrasi dots.nti, doktor Erdem Ilker Mutlu.

17 yanvar kuni OAV Turkiyadagi banklar sanksiyalardan qo‘rqib, Rossiya banklari bilan hamkorlik qilishdan bosh torta boshlagani haqida xabar berdi. 20 fevraldan boshlab ba’zi turk banklari Rossiya bilan to‘g‘ridan to‘g‘ri to‘lovlarni faqat oziq-ovqat, dori-darmon, qishloq xo‘jaligi mahsulotlari, to‘qimachilik, turizm va ta’lim segmentlaridagi to‘lovlarni o‘z ichiga olgan tovarlarning “yashil” ro‘yxati bo‘yicha qayta tikladi. “Zamin” yangiliklarini “Telegram”da kuzatib boring