Ilon Mask emas: dunyoning eng boy milliarderi o‘zgardi

^{Foto: CNN}
Ilon Mask dunyoning eng boy odami reytingida birinchi o‘rindan tushib, uni Jeff Bezosga bo‘shatib berdi. Bu haqda Bloomberg xabar berdi.

4 mart kuni Tesla‘ning aksiyalari 7,2 foizga tushib ketdi. Maskning hozirgi boyligi 197,7 milliard dollarni tashkil qilmoqda, Amazon asoschisi Bezosniki esa 200,3 milliard dollar. U 2021 yildan buyon birinchi marta Bloomberg‘ning eng boy odamlari ro‘yxatida birinchi o‘rinni egalladi.

Ikkala kompaniya ham AQSH fond bozorlarini boshqaradigan “Katta yettilik”ning bir qismi bo‘lsa-da, Amazon aksiyalari 2022 yil oxiridan buyon ikki baravardan ko‘proqqa o‘sdi va barcha davrlarning eng yuqori ko‘rsatkichlariga yaqinlashdi.

Tesla aksiyalari, dastlabki maʼlumotlarga ko‘ra, Shanxaydagi zavoddan yetkazib berish kamaygani hisobiga tushib ketgan. Amazon esa pandemiya boshlanganidan beri eng yaxshi onlayn savdo o‘sishini eʼlon qilmoqda. “Zamin” yangiliklarini “Telegram”da kuzatib boring