Britaniya Ukrainaga 10 mingta dron yetkazib beradi

^{Foto: AP}
Britaniya Ukraina qurolli kuchlariga 10 mingtadan ortiq dron yetkazib beradi, deya ma’lum qildi mamlakat mudofaa vaziri Grant Shapps 7 mart, payshanba kuni Kiyevga tashrifi chog‘ida. Dronlarning aksariyati razvedka uchun ishlatiladi, biroq yetkazib berish dengiz va hujumkor uchuvchisiz apparatlarni ham o‘z ichiga oladi, dedi u.

Birlashgan qirollik Ukrainaga 325 million funt sterling (380 million yevro) miqdoridagi harbiy yordam paketi doirasida dronlarni topshiradi. «Men Ukrainani to‘g‘ridan to‘g‘ri Britaniyaning yetakchi mudofaa sanoatidan olingan eng so‘nggi uchuvchisiz uchoqlar bilan qurollantirish bo‘yicha majburiyatimizni mustahkamlayman - to‘g‘ridan to‘g‘ri zavod maydonchasidan to frontgacha. Men xalqaro hamkorlarni Britaniyaga bu harakatda qo‘shilishga undayman», - dedi Shapps.

Dronlar urushda muhim rol o‘ynaydi

Harbiy ekspertlar ta’kidlaganidek, uchuvchisiz uchoqlar Rossiyaning Ukrainaga qarshi urushida muhim rol o‘ynay boshladi. Fevral oyi boshida Ukraina prezidenti Volodimir Zelenskiy mamlakatda maxsus uchuvchisiz tizimlar qo‘shinini yaratishga buyruq bergan edi. Uning so‘zlariga ko‘ra, bu «yaqin kelajakda juda aniq natija berishi kerak», chunki dronlar «yerdagi, osmondagi va dengizdagi janglarda o‘z samaradorligini isbotlagan». “Zamin” yangiliklarini “Telegram”da kuzatib boring