Ukrainada 46 mingdan ortiq rossiyalik harbiy halok bo‘lgani tasdiqlandi

^{Foto: AP}
2022 yil fevralidan beri Ukrainadagi urushda halok bo‘lgan 46 678 nafar rossiyalik harbiyning ism-sharifi aniqlandi. Bu haqda 8 mart, juma kuni «Mediazona» va Bi-bi-si rus xizmati jurnalistlari xabar berdi.

Jurnalistlarning so‘zlariga ko‘ra, so‘nggi 14 kun ichida yana 1555 kishi halok bo‘lgani tasdiqlandi, bu harbiy harakatlar boshlanganidan beri eng yuqori ko‘rsatkichlardan biridir. Rossiyaning Ukrainadagi jangovar yo‘qotishlari hozirgi dinamikasi 2023 yil qishda Donbassdagi rus armiyasi keng ko‘lamli hujumi paytida qayd etilgan raqamlar bilan taqqoslanadi. O‘shanda, fevral oyi ikki haftasida 1679 kishining o‘limi tasdiqlandi. Harbiy xizmatchilarning o‘limi haqidagi xabarlar ko‘pincha qarindoshlariga kechikish bilan yetib boradi. Shu sababli, yo‘qotishlar soni hozirgi ko‘payishi Rossiya qo‘shinlarining Avdiyivkaga yaqinda qilgan hujumi bilan bog‘liq bo‘lishi mumkin.

Ukrainadagi urushda ko‘ngillilar va safarbar etilganlar ko‘proq halok bo‘lyapti

Nashr qilingan xulosaga ko‘ra, eng ko‘p o‘lim ko‘ngillilar (so‘nggi 14 kun ichida 382 kishi halok bo‘lgani tasdiqlangan), safarbar etilganlar (plyus 219 kishi) va frontga jo‘natish uchun yollangan mahbuslar (191 kishi) orasida qayd etilgan.

Jurnalistlar va ular bilan hamkorlik qilayotgan ko‘ngillilar ochiq manbalar yordamida Rossiya armiyasining yo‘qotishlarini hisoblamoqda. Jumladan, mintaqa ma’muriyati xabarlari, qurbonlar yaqinlarining ijtimoiy tarmoqlardagi postlari, shuningdek, qabristonlardan olingan ma’lumotlar shular jumlasidandir. Yo‘qotishlarning haqiqiy ko‘rsatkichi, ular fikriga ko‘ra, kamida ikki baravar yuqori bo‘lishi mumkin.

Avvalroq Markaziy razvedka boshqarmasi rahbari Uilyam Berns Ukrainada urush boshlanganidan beri 315 ming rossiyalik harbiy halok bo‘lgani yoki yaralanganini ma’lum qilgandi. Jurnalistlarga ko‘ra, bu hisob-kitob haqiqatdan unchalik uzoq emas: «Bir yarim yillik kuzatishlar natijasida biz ochiq manbalarda barcha harbiy halok bo‘lganlarning yarmini aniqlashi mumkinligini angladik.

Bu ko‘rsatkich ko‘p jihatdan mintaqa, yosh va ijtimoiy mavqega bog‘liq, shuning uchun uni doimiy ravishda hisob-kitoblarda ishlatmaymiz. Ammo u taxminiy bahoga mos keladi: ijtimoiy tarmoqlarda topilgan 43 mingta nekrolog taxminan 80-90 ming real o‘lim holatini beradi. Shunda, qolgan 230 ming kishi yarador ekani ma’lum bo‘ladi. Bu o‘lim sonini hisobga olinsa, haqiqatga yaqin ko‘rinadi», dedi jurnalistlar. “Zamin” yangiliklarini “Telegram”da kuzatib boring