Qatar rasmiysi: “G‘azoda o‘t ochishni to‘xtatish bo‘yicha kelishuv hali-beri bo‘lmaydi”

^{Foto: AP Photo}
G‘azoda o‘t ochishni to‘xtatish bo‘yicha muzokaralar davom etmoqda, biroq vositachilar mojaro tomonlari o‘rtasida kelishuvga intilish ko‘rmayapti. Bu haqda Qatar Tashqi ishlar vazirligi matbuot kotibi Majid Al-Ansoriy ma’lum qilgan. Bu haqda TASS nashri batafsil ma’lumot bergan.

“Qatar, shuningdek, mintaqaviy va xalqaro vositachilarning davom etayotgan sa’y-harakatlari G‘azo sektorida o‘t ochishni to‘xtatishga qaratilgan. Doha va Qohirada muzokaralar davom etmoqda, biroq biz o‘t ochishni to‘xtatish bo‘yicha kelishuvga yaqinlashganimiz yo‘q. Bu ketishda hali-beri tinchlik bo‘lmaydi”, — degan Qatar rasmiysi.

Qatarlik diplomatning qayd etishicha, uning hukumati urushda qisqa pauza emas, balki Falastin anklavida doimiy o‘t ochishni to‘xtatishni xohlaydi. G‘azodagi vaziyat og‘irlashmoqda va Qatar mojaroning barcha tomonlari bilan sa’y-harakatlarini davom ettirishni istaydi. Kelishuvga umid hali bor bo‘lsa-da, bu ko‘p vaqt olishi mumkin.

Ma’lumot o‘rnida, 10 mart kuni Misr poytaxti Qohirada bo‘lib o‘tgan muzokaralarda HAMAS va Isroil vakillari bir to‘xtamga kela olmagani ma’lum qilingan edi. Isroilning talablari o‘ta adolatsiz deb hisoblagan HAMAS kelishuvga imzo qo‘yishdan bosh tortgan. “Zamin” yangiliklarini “Telegram”da kuzatib boring