Foto: Reuters
Germaniya Tashqi ishlar vazirligi (TIV) bundan buyon Rossiya prezidenti Vladimir Putinni rasmiy hujjatlarda faqat ismi-sharifini ko‘rsatadi. Bu haqda Germaniya TIV rasmiy vakili Sebastyan Fisher ma’lum qildi.
Vazirlar mahkamasi matbuot kotibi Kristian Hofmanning qo‘shimcha qilishicha, Germaniya hukumati yaqinda bo‘lib o‘tgan Rossiya prezidenti saylovini qonuniy deb hisoblamaydi. Uning fikricha, ovoz berish «qo‘rqitish va hibsga olish muhitida» o‘tgan. Germaniya kansleri Olaf Shols, o‘z navbatida, Putinni saylovdagi g‘alabasi bilan tabriklamaslikka qaror qilgan.
«Biz Rossiyada bo‘lib o‘tgan saylovni erkin yoki adolatli deb hisoblamaymiz. Natija oldindan ma’lum bo‘lgan. Bular, bizningcha, nodemokratik saylovlar edi», dedi Hofman.
Shu bilan birga, Germaniya TIV rasmiy vakili Rossiya prezidenti uchun faqat uning ismi-sharifini ko‘rsatish amaliyoti yangilik emasligini tushuntirdi. Uning so‘zlariga ko‘ra, Rossiya prezidenti avval ham hujjatlarda lavozimini ko‘rsatmasdan, faqat familiyasi bilan ko‘rsatilgan. Shu bilan birga, diplomatik departament saytida Putin Rossiya prezidenti sifatida qayd etilgan.
«O‘tmishda xuddi shunday qilganmiz, faqat Putin deb yozganmiz. Biz yaqinda bunga biror bir belgi qo‘shganimizni eslolmayman», dedi Fisher. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ruslar Abrams tanklarining zaif tomonini topishdi
Ortiqcha vaznli insonlar uchun sog‘lom ovqatlanishning beshta muhim qoidasi
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi