BMT 2023 yilni tarixdagi eng issiq yil deb atadi

^{Foto: Google Images}
2023 yil BMT kuzatuvlar tarixidagi eng issiq yil bo‘ldi, deyiladi Jahon meteorologiya tashkiloti (WMO) e’lon qilgan hisobotida.

Birlashgan Millatlar Tashkiloti bosh kotibi Antoniu Guterrish hisobotni sharhlar ekan, “ba’zi ko‘rsatkichlar nafaqat eng yuqori ko‘rsatkich, balki ular juda yuqori, iqlim o‘zgarishi juda tez sodir bo‘layotganini” ta’kidladi.

Uning so‘zlariga ko‘ra, global isishning oqibatlari “o‘tkir, shiddatli va halokatli kuch bilan o‘sib bormoqda”.

WMO hisobotiga ko‘ra, 2023 yil karbonat angidrid chiqindilari, Yer yuzasi harorati, okean haroratining ko‘tarilishi va muzliklarning erishi bo‘yicha rekordlarni yangiladi.

JSTning qo‘shimcha qilishicha, issiqlik, suv toshqinlari, qurg‘oqchilik, nazoratsiz o‘rmon yong‘inlari va kuchayib borayotgan tropik siklonlar “halokat va vayronagarchilikka olib kelmoqda”, millionlab odamlar hayotiga ta’sir ko‘rsatmoqda va milliardlab dollar iqtisodiy zarar keltirmoqda.

Shu bilan birga, BMT bosh kotibining so‘zlariga ko‘ra, “eng yomon iqlim o‘zgarishlarining oldini olish mumkin”. Buning uchun u, xususan, qazib olinadigan yoqilg‘idan voz kechishni tezlashtirish va iqlim o‘zgarishiga qarshi kurash bo‘yicha milliy rejalarni ishlab chiqishga chaqirdi, bu esa mamlakatlarning butun iqtisodiy tizimiga ta’sir qiladi va haroratning 1,5 daraja Selsiy bo‘yicha belgilangan me’yordan oshib ketishiga yo‘l qo‘ymaydi. “Zamin” yangiliklarini “Telegram”da kuzatib boring