Isroil Qohira va Dohaga muzokarachilar yuboradi

^{Foto: Getty Images}
Isroil Bosh vaziri Binyamin Netanyaxu Mossad rahbari David Barnea boshchiligidagi guruhga HAMAS bilan almashinuv kelishuvi bo‘yicha muzokaralar uchun Qatarga borishni buyurdi, deya Euronews xabar berdi.

Isroil Bosh xavfsizlik xizmati rahbari Ronen Bar Qohiraga ketmoqda, u yerda G‘azo sektorida sulhga erishish masalasi bo‘yicha maslahatlar davom etishi kutilmoqda.

Suriya rasmiylariga ko‘ra, Isroilning Halab yaqinidagi havo hujumlarida 40 dan ortiq odam halok bo‘lgan. Britaniyada joylashgan Suriya inson huquqlari observatoriyasining aniqlik kiritishicha, Isroil armiyasi Livandagi Hizbulloh harakati obyektlarini nishonga olgan. Halok bo‘lganlar orasida Suriya armiyasining 36 askari va Hizbullohning olti nafar a’zosi bor.

G‘azoning HAMAS nazoratidagi Sog‘liqni saqlash vazirligi anklavdagi jami qurbonlar soni 32,600 dan oshganini ma’lum qildi.

"29 mart kuni sektorning yana 35 nafar aholisi halok bo‘ldi", — deb xabar beradi arab OAV.

Shuningdek, Xalqaro Sud Isroil G‘azoga gumanitar yordamning to‘siqsiz yetkazilishini ta’minlash uchun zarur choralarni ko‘rishi, jumladan quruqlikdagi nazorat punktlarining sig‘imi va sonini oshirishi kerakligi haqida yangi qaror chiqardi. “Zamin” yangiliklarini “Twitter”da kuzatib boring