Kim Kardashyanning 10 yoshli qizi TikTok'dagi birgina videosi uchun 45 ming dollar ishlab oldi

Kim Kardashyan va Kane Uestning Nort ismli to‘ng‘ich qizi hozirda o‘n yoshda bo‘lib, ijtimoiy tarmoqlar yulduziga aylangan. Qizaloq TikTok'ga joylashtiradigan turli ko‘ngilochar videolar unga katta miqdorda pul olib keladi.

^{Kane Uest qizi Nort bilan
Foto: People}
Nort Uestga 20 milliondan ortiq kishi obuna bo‘lgan. Ular har safar yosh yulduzning videolarini topga olib chiqishga yordam berishadi. TikTok'dagi bitta post Nortga kamida 30 ming dollar daromad olib keladi.

^{Foto: Getty Images}
Daily Mail ma’lumotlariga ko‘ra, postlar ichida eng daromadlisi Nortning dadasi bilan raqsga tushgan kulgili video bo‘ldi. Mazkur post unga 45 ming dollar mablag‘ keltirdi.

^{Foto: The Famous People}
O‘n yoshli blogerning mashhurligi va obunachilari soni kundan-kunga o‘sib bormoqda. Ma’lumot uchun, joriy yilda Nort musiqa sohasida o‘zini sinab ko‘rishga qaror qildi. U o‘zining ilk Elementary School Dropout nomli albomi ustida ish olib bormoqda. “Zamin”ni Telegramʻda oʻqing!