Foto: France24
Gruziya poytaxti Tbilisida 30 aprel kuni hukumat qaroridan norozi bo‘lgan namoyishchilar va politsiya o‘rtasida to‘qnashuvlar bo‘ldi. Bu haqda “TASS” nashri xabar berdi.
Manbada aytilishicha, Tbilisi markazidagi parlament binosi yaqinida xorijiy agentlar haqidagi qonunga norozilik bildirgan namoyishchilar to‘plangan. Politsiya ularni tarqatishga harakat qilgan. Oqibatda esa to‘qnashuvlar yuzaga kelgan.
Deputatlar uchun binodan chiqish yo‘lini to‘sib qo‘yishga uringan bir necha namoyishchilar hibsga olingan. Jurnalistlar binoga xodimlar kirish joyi yaqinidagi hududdan haydab chiqarilgan.
30 aprel kuni mamlakat qonunshunoslari chet el agentlari to‘g‘risidagi qonunni muhokama qilgan. Ammo loyiha tasdiqlanmagan. Muhokama 1 may kuni davom ettirilishi ma’lum qilingan.
17 aprel kuni Gruziya parlamenti xorijiy agentlar to‘g‘risidagi qonun loyihasini birinchi o‘qishda ma’qullagan edi. Bunga dastlab Gruziya prezidenti Salome Zurabichvili, keyinroq esa muxolifat va G‘arb diplomatlari qarshi chiqqan. Rasmiylar bu qarorni mamlakatning Yevropa Ittifoqiga integratsiyalashuviga to‘siq sifatida ko‘rishgan.
Dushanba kunidan beri Tbilisida muxolifat va fuqarolik faollari qonun loyihasiga qarshi mitinglar o‘tkazmoqda. Hukumat qarshiligiga qaramay, namoyishlar to‘xtamagan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Putin Xitoy talabalariga qanday maslahat berdi?
Orzudagi uy — qishda issiq, yozda salqin. Bunga qanday erishish mumkin?
Putin va Si Szinpin uchrashuvidagi "ishora" shtatlarda vahima uyg‘otdi
“Umra” ziyoratiga borib kelish tartibi takomillashtiriladi
Lavrov: Putin va Si Szinpin Xitoyning global xavfsizlik bo‘yicha tashabbusini muhokama qildi
Mansab pillapoyalari: unga kimlar munosib?
Eron prezidentini olib ketayotgan vertolyot halokatga uchradi
Makkada mushkul vaziyatda qolgan fuqaro O‘zbekistonga qaytarildi
