Foto: eurointegration.com
Ispaniya transport vazirining Argentina prezidenti Xaver Miley giyohvand moddalar iste’mol qilgani haqidagi bayonoti ikki davlat o‘rtasida jiddiy diplomatik mojaroga olib keldi. Bu haqda BBC xabar berdi.
Ispaniya transport vaziri Oskar Puente Argentina rahbari saylovoldi tashviqoti vaqtida “ma’lum moddalar” qabul qilganini aytdi. U Argentinada bo‘lib o‘tgan prezidentlik saylovlarida g‘alaba qozongan Mileyni AQSH sobiq prezidenti Donald Trampga qiyosladi.
“Juda yomon odamlar borki, shunchaki o‘zligi bilan eng yuqori cho‘qqiga erishgan. Masalan, Miley yoki Tramp”, — dedi Puente.
Saylov kampaniyasi vaqtida Mileyning televideniyedagi chiqishlarini tasvirlagan Ispaniya vaziri u qanday holatda ekanini: “moddalarni qabul qilishdan oldin yoki keyin” bilmasligini aytdi.
Bunga javoban Argentina prezidenti administratsiyasi bayonot chiqardi. Unga ko‘ra, Ispaniya hozirda Mileyning xatti-harakatlarini muhokama qilishdan ko‘ra, muhimroq vazifalarni, xususan, Ispaniya bosh vaziri Pedro Sanchesning rafiqasiga qo‘yilgan korrupsiya ayblovlari bilan shug‘ullanishi kerak. Shuningdek, bayonotda Sanchesning siyosati Ispaniyada “o‘lim va qashshoqlikka” olib kelgani va “ayollarga hujum qiladigan noqonuniy muhojirlarni kiritish orqali ayollar uchun xavf tug‘dirgani” ta’kidlangan.
O‘z navbatida, Ispaniya Tashqi ishlar vazirligi “ikki qardosh mamlakat va xalqlar o‘rtasidagi munosabatlarga mos kelmaydigan” Miley administratsiyasining “asossiz bayonotlarini” rad etgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
O‘zbekiston sobiq bosh prokurorining qidiruvdagi o‘g‘li Dubayda 7,9 mln dollarlik ko‘chmas mulkka egalik qiladi
Messining salkam 1 million dollarga sotilgan salfetkasi haqida
Pnevmatik qurollarni o‘z ixtiyori bilan topshirganlar javobgarlikdan ozod etiladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
D vitamini dozasini oshirib yuborishning xavfli oqibatlari
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Ukraina prezidenti mahbuslarni safarbar qilish to‘g‘risidagi qonunni imzoladi