Foto: Getty Images
Gruziya bosh vaziri Irakliy Kobaxidze mamlakat prezidenti Salome Zurabishvilini vatanga xiyonatda aybladi.
"Xalq va ular tomonidan saylangan hukumatning hamjihatligi bizga o‘tgan ikki yil davomida mavjud tahdidlar va turli xiyonatlarga, jumladan, prezidentning xiyonatiga qaramay, yurt tinchligini saqlash imkoniyatini berdi", — dedi Kobaxidze Mustaqillik kuni munosabati bilan o‘tkazilgan tadbirda so‘zlagan nutqida.
Bosh vazir hozir Gruziya uchun davlat mustaqilligini himoya qilish ayniqsa muhimligini qo‘shimcha qilgan. Uning so‘zlariga ko‘ra, gruziyaliklar har qachongidan ham ko‘proq bir-biriga g‘amxo‘rlik qilishi kerak.
O‘z navbatida, mamlakat prezidenti Zurabishvili harbiy xizmatchilar va Gruziya rahbariyati vakillari bilan suhbat chog‘ida rasmiylarning harakatlarini tanqid qilgan.
Eslatib o‘tamiz, 14 may kuni Gruziya parlamenti bir oy davom etgan norozilik namoyishlari fonida “Xorijiy ta’sirning shaffofligi to‘g‘risida”gi qonun loyihasini uchinchi va oxirgi o‘qishda qabul qilgan edi. Prezident Salome Zurabishvili 18 may kuni veto huquqidan foydalangan.
Avvalroq Davlat departamentining Sanksiyalarni muvofiqlashtirish boshqarmasi rahbari Jim O‘Brayen agar parlament tomonidan qabul qilingan loyiha o‘zgarmasa, Amerika Gruziyaga nisbatan cheklovlar qo‘yishi mumkinligini aytgan. Yevropa Ittifoqi respublikaning ittifoqqa a’zolik arizasini muzlatib qo‘yishga va’da bergan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi: "Mendagi bu xarakter farzandlarimga xam o‘tgan"
Nima uchun jismoniy mashqlar va uqalash bel og‘rig‘idan xalos etmaydi?
Germaniyaning yashirin "quroli"
Abbosbek Fayzullayev olimpiadaga boradimi? SSKA bosh murabbiyi bu haqida nima dedi?
Andrey Pyatnitskiy: "Terma jamoalarning o‘yinlaridan ko‘rsa bo‘ladiki, o‘zbek futboli yuqori saviyaga ko‘tarilmoqda"
“Hizbulloh” Bayrutdagi aeroportda Eron qurollarini saqlamoqda
O‘zbekiston va Mo‘g‘uliston o‘rtasida 14 ta hujjat imzolandi
Hayot banki, 75 ming dollarlik lavozim va bir tonna umidsizlik