Foto: STR/AFP/Getty Images
Papua-Yangi Gvineyada 24 may kuni sodir bo‘lgan kuchli ko‘chki oqibatida 2000 dan ortiq kishi halok bo‘ldi, deb xabar qildi mamlakat rasmiylari 27 may, dushanba kuni. «Ko‘chki 2000 dan ortiq odamni tiriklayin ko‘mib tashladi va ulkan vayronagarchiliklarga sabab bo‘ldi», — deya ularning BMT missiyasiga murojaatidan iqtibos keltirgan AFP.
Agentlik ma’lumotlariga ko‘ra, Mungalo tog‘i yonbag‘rida joylashgan Mulitaka qishlog‘i tabiiy ofat natijasida yer yuzidan deyarli butunlay yo‘q bo‘lib ketgan. Ko‘chkining keyingi harakati qutqaruvchilar va ofatdan omon qolganlar uchun qo‘shimcha xavf tug‘diradi, deyiladi Papua-Yangi Gvineya hukumatining BMTga murojaatida.
«Ko‘chki kattaligi to‘rtta futbol maydoniga teng bo‘lgan maydonni qamrab oldi va u ulkan toshlar, ildizi qo‘porilgan daraxtlar va bir necha metr qalinlikdagi yer qatlamlari ostida qolib ketdi», — deyiladi AFP xabarida.
«Interfaks» agentligi xabariga ko‘ra, avvaliga rasmiylar ko‘chki 60 ga yaqin uyni vayron qilgan deb hisoblagan bo‘lsa, hozir ular 150 dan ortiq xonadon, davlat muassasasi va korxonalar haqida gap ketyapti, degan xulosaga kelishdi.
Papua-Yangi Gvineyadagi ko‘chki qurbonlariga yordam
Tabiiy ofat hududida turli qabilalar o‘rtasidagi to‘qnashuvlar tufayli vayronalarni tozalash uchun gumanitar yordam va og‘ir texnikalarni olib kelish hozirda qiyin. Ma’lum qilinishicha, yaqin atrofdagi qishloqlar aholisi 27 may kuni ham kurak va yog‘ochlar yordamida qurbonlarni qidirishni davom ettirgan.
Ayni paytda, Papua-Yangi Gvineya hukumati xalqaro yordam so‘rab murojaat qildi. 28 may kuni BMT tomonidan ushbu mavzuda videokonferensiya tashkil etilishi rejalashtirilgan. Germaniya tashqi ishlar vaziri Annalena Berbokning aytishicha, GFR o‘z hamkorlari bilan aloqada va qanday yordam berishi mumkinligiga aniqlik kiritmoqda. Jahon sog‘liqni saqlash tashkiloti (JSST) va Xitoy ham yordam taklif qildi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sog‘liqni saqlash vazirligi jaziramadan ehtiyot bo‘lishga chaqirdi
Rossiya mudofaa vazirining sobiq o‘rinbosari, general Dmitriy Bulgakov qo‘lga olindi
Kongress Netanyahuni tik oyoqda olqishladi. Bir deputat uni harbiy jinoyatchi deb qoraladi
Rossiyalik podpolkovnik Moskva viloyatini migrantlardan «oqartirish» vazifasini qo‘ydi
Xose Venansio Lopes: "Bizga barqarorlik yetishmayapti. Ushbu muammoga imkon qadar tezroq yechim topishimiz kerak"
O‘zbekistonda jazirama issiq qancha davom etadi?
Ispaniya yulduzlarini qiynab tashlagan O‘zbekistonning o‘yini Yevropada qanday baholandi?
Madrimov—Krouford oqshomining asosiy kard janglari haqida ma’lumot
