AQSh prezidentligi uchun saylovda Respublikachilar partiyasidan nomzod bo‘lgan Donald Tramp ma’lum qildiki, prezidentga aylansa, mamlakatning harbiy qudratini oshiradi, deyiladi "Kun" nashrida.
Trampning so‘zlariga ko‘ra, u AQSh Qurolli kuchlari tarkibidagi harbiylar, kemalar va samolyotlar sonini oshirmoqchi.
U shuningdek, prezidentlik lavozimini egallasa, Pentagondan bir oy ichida IShIDni yo‘q qilish rejasini ishlab chiqishni talab etadi.
Tramp Filadelfiyadagi chiqishi vaqtida AQShning NATOdagi ittifoqchilaridan byudjetning 2 foizini mudofaa sohasiga ajratishni talab qilishi haqida ham aytgan.
Joriy haftada respublikachi nomzod 88 nafar amerikalik sobiq general tomonidan qo‘llab-quvvatlanayotgani ma’lum bo‘lgandi. Iste’fodagi bu harbiylar "Amerika qo‘mondon timsolidagi etakchiga muhtoj ekanini" bildirishgan.
Shu bilan bir vaqtda Trampning raqibi, demokrat Hillari Klinton harbiylar hamrohligida videorolik bilan chiqish qildi, unda Trampning siyosati tanqid ostiga olingan.
O‘tgan hafta oxirida Donald Tramp saylovoldi kampaniyasi boshlanganidan beri ilk marta nufuz bo‘yicha Hillari Klintonni ortda qoldirayotgani ma’lum bo‘lgandi.
Sosiologlar Trampning nufuzi partiya ichida ham o‘sayotganini qayd etishgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
