Foto: AP
Germaniya hukumati YEIning Rossiyaga qarshi yangi sanksiyalar paketi bo‘yicha muzokaralarini kechiktirmoqda, u G7 sammiti boshlanishiga qadar tasdiqlanishi kerak edi. Bu haqda 13 iyun, payshanba kuni mustaqil ravishda dpa va AFP agentliklari Bryusseldagi diplomatlarga tayanib xabar berdi. Yangi paket Rossiyaning Ukrainaga keng ko‘lamli hujumi uchun joriy qilingan mavjud cheklovlarni chetlab o‘tishiga yo‘l qo‘ymaslik maqsadida ishlab chiqilgan.
Dpa manbasi: Germaniya - «yangi Vengriya»
Dpa suhbatdoshlariga ko‘ra, Germaniyaning ikkilanishi va hujjat matniga o‘zgartirish kiritish haqidagi iltimoslari Rossiyaga qarshi so‘nggi sanksiyalar paketini «kechiktirishning hal qiluvchi omilidir». «So‘nggi paytlarda Germaniya bu - yangi Vengriya degan fikr paydo bo‘ldi», dedi diplomatlardan biri. U Viktor Orban hukumati Rossiya Federatsiyasiga qarshi Yevropa sanksiyalarini qabul qilish va Ukrainaga yordam ko‘rsatishni bir necha bor to‘sib qo‘yganini nazarda tutgan.
Germaniyaning Yevropa Ittifoqidagi doimiy vakolatxonasi vakili dpa agentligiga muzokaralar maxfiy o‘tganini aytib, ular haqida izoh berishdan bosh tortdi.
Berlin nemis kompaniyalari uchun javobgarlikdan xavotirda
Dpa suhbatdoshlariga ko‘ra, Berlin asosan Rossiya Federatsiyasiga qarshi mavjud sanksiyalarni chetlab o‘tishni murakkablashtirishga qaratilgan chora-tadbirlarni tasdiqlashga to‘sqinlik qilmoqda. Xususan, Germaniya ayrim tovarlarga nisbatan sanksiyalar buzilgan taqdirda shu’ba korxonalarni javobgarlikka tortish to‘g‘risidagi bandni cheklash yoki hatto yo‘q qilishga chaqirmoqda, chunki aks holda «nemis kompaniyalari javobgarlikka tortilishi mumkin», deya ta’kidlaydi dpa.
Germaniya hukumati, shuningdek, ba’zi hisobot talablarini keraksiz deb hisoblaydi va SWIFT'ning ruscha analogi bo‘lgan Moliyaviy xabarlarni uzatish tizimidan (MXUT) foydalanishni cheklovchi choralarni zaiflashtirish tarafdori.
YEIning yangi sanksiyalar paketi
Yevropa Ittifoqining yangi sanksiyalari Ukrainaga qarshi urushda qo‘llangan qurollarni ishlab chiqarish uchun G‘arb texnologiyalarini import qilishda davom etayotgan Rossiyaning mavjud cheklovlarni chetlab o‘tishini qiyinlashtirishga qaratilgan. Bundan tashqari, YEI birinchi marta Rossiyaning suyultirilgan tabiiy gaz (STG) sanoatiga nisbatan qattiq sanksiyalar joriy etishni rejalashtirmoqda. Xususan, Bryussel Rossiya Federatsiyasiga STGni uchinchi mamlakatlarga tashish uchun portlardan foydalanishni taqiqlashni rejalashtirmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pokistonda olomon Qur’onni tahqirlagan sayyohni yoqib yubordi
Uzoq umr ko‘rish uchun yordam beradigan 5 ta foydali odat
Armaniston Falastin davlatini rasman tan oldi
Kinorejissyor: “Jadidlarimizning mag‘rur va g‘olib qiyofalarini chizishimiz kerak”
Isroil ommaviy dafn marosimlariga tayyorgarlik ko‘rmoqda
Isroil rasmiysi: “HAMASni yengib bo‘lmaydi”
Janubiy Koreya Putinning KXDRga tashrifiga javob berdi
KXDR va Rossiya o‘rtasidagi yangi kelishuvda aynan nima deyilgan?
