421
Toshkent viloyatining Qozog‘iston bilan chegara hududida 310 metrli noqonuniy tunnelni aniqlandi (video)
Kadr: Telegram
Davlat xavfsizlik xizmati xodimlari tomonidan Toshkent viloyatining Qozog‘iston bilan chegara hududida noqonuniy yerosti yo‘li (tunnel) aniqlandi.
Qayd etilishicha, DXX xodimlari Chegara qo‘shinlari va “Toshkent-Aero” IBK harbiy xizmatchilari bilan hamkorlikda tezkor tadbir o‘tkazgan. Tadbirda Hindistondan Qozog‘iston orqali O‘zbekistonga katta miqdordagi, sifati kafolatlanmagan dori vositalarini noqonuniy olib kelish bilan shug‘ullangan transchegaraviy jinoiy guruh faoliyati fosh etilgan.
Xususan, jinoiy guruh tomonidan navbatdagi dori vositalari Dehli—Toshkent—Olmaota aviayo‘nalishi orqali tranzit tarzda “Olmaota” xalqaro aeroportiga olib kelinib, Qozog‘istonning Turkiston viloyati Sariyog‘och tumani “Do‘stlik” aholi yashash punktiga yetkazilgan va yashirin yerosti yo‘li orqali Toshkent viloyatining Toshkent tumani “O‘rikzor” MFY hududiga o‘tkazilgan.
Tezkor tadbir davomida jinoiy guruh a’zolaridan jami 1 milliard 94 million so‘mlik Hindistonda ishlab chiqarilgan Albumin, Remdesivir, Meropenem kabi jami 107 nomdagi 17 048 dona dori vositalari ashyoviy dalil sifatida rasmiylashtirib olingan.
Ta’kidlanishicha, 49 yoshli fuqaroning Toshkent tumani “O‘rikzor” MFYdagi uyini Qozog‘istonning Sariyog‘och tumani “Do‘stlik” aholi yashash punkti bilan bog‘lovchi yerosti yo‘lining uzunligi 310 metrni tashkil etadi. Yerosti yo‘li havo ventilyatsiyasi, yoritish tizimi, yuklarni tashishga mo‘ljallangan aravalar va arqonlar bilan jihozlangan.
Hozirda holat yuzasidan jinoiy guruh a’zolariga nisbatan Jinoyat kodeksining tegishli moddalari bilan jinoyat ishi qo‘zg‘atilib, qamoq ehtiyot chorasi qo‘llanilgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Madaniyat vaziri Ozodbek Nazarbekov kiyim do‘koni tavsiya qilingan rolikda ko‘rinish berdi
Antaliya yarim yilda rekord darajadagi sayyohni qabul qildi
Olimlar chumolilar bir-birini operatsiya qila olishini aniqladi
"Axmat" qo‘mondoni maxsus operatsiya qachon yakunlanishini taxmin qildi
Shomurodov faoliyati kutilmagan tomonga o‘zgarishi mumkin!
NATO ittifoqchilari kelasi yili Ukraina uchun 40 milliard yevro ajratmoqchi
Xaridor Shomurodovni sotib olish bo‘yicha aniq reja tuzib qo‘ygan
Nima uchun ko‘zlar tez-tez yoshlanadigan bo‘lib qoladi?