Lukashenko ruslar va ukrainaliklarni Belarus qishloqlaridan yer sotib olishga chaqirdi

^{Foto: AP}
Belarus prezidenti Aleksandr Lukashenko respublika aholisi, shuningdek, rossiyaliklar va ukrainaliklar, Belarusning istiqbolsiz qishloqlarida foydali narxlarda uchastkalarni sotib olishga chaqirdi.

"Hurmatli belaruslar, Ukraina hamda Rossiyadagi eng yaqin do‘stlarimiz, istiqbolsiz qishloqlardan kichik yer uchastkalarini arzimagan tiyinga sotib olish taklifim haqida o‘ylab ko‘ring", dedi Lukashenko “Kupala” respublika bayramida.

Belarus prezidentining so‘zlariga ko‘ra, bu kichik va o‘rta qishloqlarni saqlab qolish imkonini beradi.

"Biz bir yarim mingdan ortiq qishloq xo‘jaligi shaharchalarini qurmoqdamiz, ular qayerda bo‘lishi allaqachon aniqlangan. Ushbu kichik va o‘rta qishloqlar yo‘q bo‘lib ketmasligi kerak. Biz birgalikda ularni qayta tiklaymiz, saqlab qolamiz", — deya ta’kidlagan Lukashenko.

Belarus prezidenti shaharliklarni alohida ta’kidlab, ularni qishloqlardan yer sotib olishga chaqirdi. U, shuningdek, qishloqdan 40-50 gektar yer sotib oladigan pulga shaharda yoki shahar yaqinida atigi olti gektar joy olish mumkinligini aytgan.

Lukashenkoning ta’kidlashicha, ruslar va ukrainaliklar Belarusdan yer sotib olishdan va bu yerga “tinchlik va osoyishtalik uchun” kelishdan xursand. “Zamin” yangiliklarini “Instagram”da kuzatib boring