AQSH Zelenskiyning NATO sammiti natijalariga munosabatidan xavotirda

1 daqiqa o'qish369
AQSH Zelenskiyning NATO sammiti natijalariga munosabatidan xavotirda
Foto: AP
Qo‘shma Shtatlar NATOning yubiley sammitida Ukrainaga alyansga qo‘shilishni taklif qilmaydi va Vladimir Zelenskiydan o‘tgan yili bo‘lgani kabi o‘zining oshkora noroziligini yashirishni so‘raydi, deb yozadi The Washington Post.

“Hafta oxirida Bayden bilan yuzma-yuz uchrashishi kutilayotgan Zelenskiyga 'Iltimos, boshqa bunday qilmang', deb aytiladi”, deya nashr NATOning yuqori martabali rasmiylaridan iqtibos keltiradi.

Xabarda, shuningdek, alyansga a’zo mamlakatlar yetakchilari asosiy e’tiborni Moskva bilan qarama-qarshilikda Kiyevni qo‘llab-quvvatlash va Ukrainani NATOga a’zo bo‘lishga “tayyorlash”ga qaratishi, biroq boshqa hech narsa sodir bo‘lmasligi aytilgan.

9—11 iyul kunlari Vashingtonda Shimoliy Atlantika alyansining 75-yubiley sammiti bo‘lib o‘tmoqda. Bloomberg va Financial Times ta’kidlaganidek, alyansning eng yirik a’zolari ayanchli ahvolda ekani fonida voqea ichki tartibsizliklar soyasida qolishi kutilmoqda.

NATO bosh kotibi Yens Stoltenbergga ko‘ra, Ukrainaga Vashingtonda tasdiqlanishi rejalashtirilgan yangi yordam paketi, shuningdek, Ukraina armiyasining alyans standartlariga muvofiqligini oshirish Kiyev uchun NATOga a’zo bo‘lishda ko‘prik bo‘ladi.

Agence France-Presse Vashingtondagi alyans sammitida NATOga taklif olish imkoniyati deyarli nolga teng ekanligini va buni Kiyevda ham tan olishini xabar qilgan.

Zelenskiy o‘tgan yilgi Ukraina alyansga qo‘shilishi taklif qilinmagan NATOning Vilnyusdagi sammiti natijalaridan norozi bo‘lgan edi. Germaniyaning Bild nashri Kiyevning NATOga kirishi AQSH va Germaniya tomonidan bloklangani haqidagi maxfiy hujjatni e’lon qilgan.

Rossiya prezidenti Vladimir Putin Ukrainaning NATOga a’zo bo‘lish ehtimoli Rossiya xavfsizligiga tahdid ekanligini ta’kidlagan. Unga ko‘ra, Kiyevning alyansga qo‘shilish imkoniyati maxsus harbiy operatsiya boshlanishiga sabab bo‘lgan.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?