Afg‘oniston SHHT a’zoligiga qabul qilinadimi?

^{Foto: Izvestiya}
Afg‘onistonning Shanxay Hamkorlik Tashkilotiga (SHHT) a’zo bo‘lish haqidagi arizasi hozircha ko‘rib chiqilmagan va assotsiatsiya kun tartibiga kiritilmagan. Bu haqda Rossiya prezidentining SHHT ishlari bo‘yicha maxsus vakili Baxtiyor Hakimov brifingda ma’lum qildi.

"SHHTga a’zo bo‘lish masalasiga kelsak, 2015 yilda bitta ariza berilgan, bu Afg‘onistonning arizasi, bu mamlakatda mavjud bo‘lgan voqeliklarni hisobga olgan holda hozircha ko‘rib chiqilmayapti", dedi u.

Maxsus vakilning so‘zlariga ko‘ra, Afg‘oniston masalasi doimiy ravishda SHHT kun tartibida.

"Ikki tomonlama asosda a’zo davlatlar Kobul bilan hamkorlik qiladi, har biri o‘z qoidalariga, o‘z manfaatlariga, o‘z yo‘riqnomalariga asoslanadi", deya qo‘shimcha qilgan Hakimov.

Uning ta’kidlashicha, SHHTga Ozarbayjon, Kambodja, Nepal va Armanistondan o‘z maqomini muloqot bo‘yicha hamkordan kuzatuvchiga ko‘tarish bo‘yicha arizalar tushgan.

Afg‘oniston Shanxay hamkorlik tashkilotida kuzatuvchi davlat hisoblanadi. Afg‘onistonda hokimiyatni qo‘lga kiritgan “Tolibon” harakati rahbariyati avvalroq SHHT sammitlarida qatnashish istagini bildirgan va buni o‘zining qonuniy huquqi deb atagan edi. “Zamin”ni Telegramʻda oʻqing!