Dubay hukmdorining qizi to‘yidan bir yil o‘tib, eridan ajrashganini ma’lum qildi. Shayxa Mahra bintu Muhammad ibn Rashid Al Maktum to‘ydan bir yil o‘tib, turmush o‘rtog‘i bilan ajrashganini e’lon qildi. Shayxa buning juda noodatiy usulini tanladi.
Dubay hukmdorlari xonadonida oilaviy janjallarni omma oldiga olib chiqish odat tusiga kirmagan. Biroq shayxa Mahra urf-odatlar va o‘rnatilgan me’yorlarga qaramay, eridan ajrashganligini oshkora e’lon qildi. Mahra o‘zining ijtimoiy tarmoqdagi akkauntida uch marta “Men sen bilan ajrashaman” jumlasini yozgan. Ma’lumki, islom shariati bo‘yicha nikoh bekor deb hisoblanishi uchun uch marta taloq aytish kerak.
Malikaning obunachilari butunlay hayratda qolib, bunga nima sabab bo‘lganiga hayron bo‘lishdi. Ba’zilar eri Man al Maktum unga xiyonat qilgan, boshqalari tug‘uruqdan keyingi depressiya haqida o‘ylashgan, boshqalari hatto malikaning akkauntini hakkerlar buzgan deb ham taxmin qilmoqda. Mahraning bu posti ancha shov-shuvga sabab bo‘lgani aniq.
Ammo shuni ta’kidlash kerakki, ijtimoiy tarmoqdagi xabarga ko‘ra, Mahra haqiqatan ham erini xiyonatda gumon qilmoqda. U bu haqda Manuga murojaatida ishora qilgan.
“Qadrli, erim. Siz boshqalar bilan band ekansiz, men ajrashganimizni ma’lum qilaman. Men siz bilan ajrashaman, men siz bilan ajrashaman, men siz bilan ajrashaman. Sobiq xotiningiz”, degan malika o‘z postida.
Eslatib o‘tamiz, Mahra va shayx Man ibn Muhammad Al Maktumning dabdabali to‘yi 2023 yil yozida bo‘lib o‘tgan. O‘sha yilning oktyabr oyida Dubay hukmdorining qizi qiz farzand kutayotganini e’lon qilgandi.
Mazkur ajralish Dubay hukmron oilasida birinchi ommaviy hodisa emas. BAA hukmdori Muhammadning sobiq rafiqlaridan biri malika Xayya shov-shuvli janjal ko‘tarib, eridan qochib ketgandi. U hozir Londonda yashaydi. Muhammadning ikki to‘ng‘ich qizi — shayxa Latifa va shayxa Shams ham qochishga uringan, biroq otalari ularni Dubayga qaytargan va shundan beri ulardan hech qanday xabar yo‘q.
Shayxa Mahraning otasi bilan munosabatlari yaxshi edi. Uning onasi Zoya Grigorakos gretsiyalik — Mahra ham 16 yoshigacha onasi kabi xristian bo‘lgan, unga ko‘proq erkinlik berilgan. Muhammad va Zoya ajrashgach, ayol qizi bilan Afinaga jo‘nab ketadi. Keyinchalik qiz BAAdagi hayotni tanlagan va islomni qabul qilgan. U hozir ham Dubayda yashaydi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Selderey, sabzi va qand miqdorini oshiruvchi kutilmagan boshqa mahsulotlar
Universitetga o‘qishga kiritib qo‘yishni va’da qilgan direktor o‘rinbosari ushlandi
Mask Tramp kampaniyasiga millionlab dollar ajratadi
Kiyev harbiy harakatlarni to‘xtatib, Moskva bilan muzokaralar boshlashga hozirlik ko‘rmoqda
Tadbirkorlarga qonunchilikda taqiqlanmagan har qanday faoliyatni amalga oshirish huquqi beriladi
Jahonning eng zo‘r bokschisi Terens Krouford Isroil Madrimov haqida nimalar dedi?
Norchayev dubl qayd etgan bahsda O‘zbekiston OTJ Yangi Zelandiyani mag‘lubiyatga uchratdi
Shakira Amerika kubogi finalidagi 8 daqiqalik chiqishi uchun qancha gonorar oldi? (video)
