Foto: fanpage.it
Isroilning “Mossad” razvedka xizmati sobiq HAMAS siyosiy byurosi raisi Ismoil Haniyaning Erondagi manzilini Pegasus ayg‘oqchi dasturi yordamida aniqlagan. Bu haqda livanlik jurnalist Elia Maner bergan ma’lumotga asoslanib, “Pravda” nashri xabar berdi.
Manbada aytilishicha, “Mossad” Ismoil Haniyaning WhatsApp tarmog‘idagi profiliga shifrlangan xabar yuborish orqali uning telefoniga ustalik bilan ayg‘oqchi dastur o‘rnatishga erishgan. Haniya o‘ziga yuborilgan xabarni o‘qiy olmagan va yuboruvchi kimligini bila olmagan.
HAMAS siyosiy byurosi rahbari telefoni ustidan nazoratga erishgan Isroil razvedkasi esa uni muntazam kuzata boshlagan. Haniyaning WhatsApp'dagi barcha suhbatlari, barcha qo‘ng‘iroqlar, harakat yo‘nalishi to‘g‘risidagi ma’lumotlar qo‘lga kiritilgan.
Pegasus dasturi o‘ta aniqlikda ishlagan. Dasturdan olingan manzil asosida Ismoil Haniya qarorgohiga dron hujumi tashkil etilgan.
Ma’lumotlarga ko‘ra, sobiq HAMAS rahbari o‘limidan oldin o‘g‘li bilan telefonda gaplashgan. Telefon qo‘ng‘irog‘i yakunlanganidan ko‘p o‘tmay, hujum yuz bergan.
Pegasus josuslik dasturi Isroilning NSO Group kiberrazvedka kompaniyasi tomonidan ishlab chiqilgani aytilgan. Ushbu dastur smartfonlarni infiltratsiya qilish imkoniyatiga ega bo‘lib, xabarlar, fotosuratlar va joylashuv ma’lumotlariga erkin kira oladi. Dastur hattoki foydalanuvchiga bildirmasdan telefon kamerasi va mikrofondan ham foydalanishi mumkin.
Isroil razvedkasi Ismoil Haniya telefonidagi qanday ma’lumotlarni qo‘lga kiritgani aniq emas. Egallangan ma’lumotlar asosida Isroil HAMASning boshqa yetakchilariga nisbatan ham hujum sodir etishi mumkinligi aytilgan.
Isroil razvedkasi, Ismoil Haniya, Pegasus dasturi “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Hizbulloh» Isroilning 3 harbiy bazasiga hujum qilganini bildirdi
Erdo‘g‘anning Isroilga tahdidi qanchalik jiddiy?
Turkiya TIV: Netanyaxuning hayoti o‘z joniga qasd qilgan Gitlerniki kabi tugaydi
Shri-Lanka hukumati musulmonlardan uzr so‘radi
Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi"
Eron amaldori: “Ismoil Haniyaning o‘limi uchun Isroil katta tovon to‘laydi”
Chet el fuqarolariga O‘zbekiston fuqaroligini pullagan Yakkasaroy tumani “pasport stol” boshlig‘i 7 yilga qamaldi
Parij—2024. Dzyudochi Shukurjon Aminova keyingi bosqichga yo‘l oldi