Anqarada Rossiya va G‘arb davlatlari o‘rtasida mahbuslar almashinuvi bo‘lib o‘tdi. Almashinuvda Rossiya, Belarus, AQSH, Germaniya, Polsha, Sloveniya va Norvegiya vakillari ishtirok etgan.
Jami 26 kishi almashildi: 10 kishi Rossiyaga, 13 kishi Germaniyaga, 3 nafari AQSHga yuborildi. Mahbuslar Turkiyaga yettita samolyotda olib ketilgan: ikkitasi AQSHdan, bittadan Germaniya, Polsha, Sloveniya, Norvegiya va Rossiyadan kelgan.
Rossiya qamoqxonalarida bo‘lgan rossiyalik siyosatchilar va Amerika fuqarolari ozod qilindi.
Ular — siyosatchilar Vladimir Kara-Murza va Ilya Yashin, huquq himoyachisi Oleg Orlov, jamoat arbobi Andrey Pivovarov, rassom Sasha Skochilenko, muxolifatchi Aleksey Navalniyning sheriklari Liliya Chanisheva, Kseniya Fadeyeva va Vadim Ostanin, Germaniya fuqarosi Kevin Lik, siyosatshunos Diter Voronin, Germaniya va Rossiya fuqarosi Germana Moyjes, AQSH fuqarolari Pol Uilan, Evan Gershkovich, Alsu Kurmasheva, Germaniya fuqarosi Patrik Shobel. Bundan tashqari, Belarusda o‘lim jazosiga hukm qilingan Germaniya fuqarosi Riko Kriger ekstraditsiya qilindi.
G‘arb davlatlari sakkiz mahbusni Rossiyaga topshirdi.
Ularning ismlari: Germaniyada qotillikda ayblangan Vadim Krasikov, Sloveniyada josuslikda ayblanib, sudlangan Artem Dulsev va Anna Dulseva, Norvegiya hukumati tomonidan josuslikda ayblangan Mixail Mikushin, Polshada Rossiya foydasiga josuslikda ayblangan Pavel Rubsov, AQSHda bank kartalari ma’lumotlarini o‘g‘irlagani uchun 27 yilga qamalgan Roman Seleznev, AQSHda kompyuter tarmoqlarini buzishda ayblanib, sudlangan Vladislav Klyushin, FSB agenti Vadim Konoshchenok.
Rossiya prezidenti Vladimir Putin Moskvaning «Vnukovo» aeroportida G‘arb davlatlari bilan mahbuslar almashinuvi doirasida vataniga qaytgan rossiyaliklarni shaxsan kutib olgan.
Germaniyada chechenistonlik sobiq qo‘mondon Zelimxon Xangoshvilini o‘ldirganlikda ayblanib, umrbod qamoq jazosiga hukm qilingan «FSB» xodimi Vadim Krasikov va boshqalarni Putin quchoq ochib qarshiladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
K vitamini nima uchun kerak va uni qaysi mahsulotlardan olish mumkin?
Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi"
Eron amaldori: “Ismoil Haniyaning o‘limi uchun Isroil katta tovon to‘laydi”
«Hizbulloh» Isroilning 3 harbiy bazasiga hujum qilganini bildirdi
Parij—2024. O‘zbekistonlik bokschilarning chorak finaldagi raqiblari bilan tanishing
O‘zbekistonda dollar kursi qanday o‘zgarmoqda?
Xorijga yuborishni va’da qilgan shasxning yonidan qalbaki pullar chiqdi
AQSH Rossiya qamog‘idan ozod qilish yo‘lida ko‘p ter to‘kkan ikki mahbus kim?
