Foto: Arash Khamooshi / The New York Times
Eronda HAMAS siyosiy byurosi rahbari Ismoil Haniya o‘ldirilganidan so‘ng 20 dan ortiq kishi hibsga olindi, ular orasida razvedka xodimlari, harbiy amaldorlar va u turgan mehmon uyi xodimlari ham bor. Bu haqda The New York Times (NYT) yozdi.
Jinoyat ishini Islom inqilobi qo‘riqchilari korpusi (IIQK) razvedka bo‘limi tergov qilmoqda.
Nashrning ta’kidlashicha, yangi prezident Mas’ud Pezeshkiyon inauguratsiya marosimidan bir necha soat o‘tib yuz bergan qotillik Eron rahbariyatini hayratga solgan — bu «xavfsizlik sohasidagi ajablanarli muvaffaqiyatsizlik».
Nashr suhbatdoshlarining aytishicha, hujumdan keyin Tehrondagi IIQK mehmon uyida tintuv o‘tkazilgan, xodimlar izolyatsiya etilgan, ularning bir qismi hibsga olingan, barcha elektron qurilmalar, jumladan shaxsiy telefonlar musodara qilingan. Yuqori martabali harbiylar va razvedka xodimlari so‘roqqa chaqirilib, ularning bir qismi hibsga olingan. Shuningdek, barcha xalqaro va mahalliy reyslarning yo‘lovchilar ro‘yxati ko‘rib chiqilgan. NYT manbalari ta’kidlaganidek, Eron rasmiylari Isroil razvedka xodimlari hamon mamlakatda ekaniga ishonadi.
IIQK bayonotiga ko‘ra, Haniya «og‘irligi taxminan 7 kg bo‘lgan jangovar kallakka ega qisqa masofaga uchuvchi snaryad» portlashi oqibatida halok bo‘lgan. Eron sodir bo‘lgan voqeada Isroilni ayblab, yahudiy davlati AQSH ko‘magida harakat qilganini ta’kidlamoqda.
Tehron, shuningdek, bu voqea uchun «kerakli vaqtda, tegishli joyda va mos tarzda» qasos olishga va’da berdi. NYT suhbatdoshlarining qo‘shimcha qilishicha, Eron oliy rahbari oyatulloh Ali Xomanaiy allaqachon Isroilga javob qaytarish haqida buyruq bergan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘an: 2024 yilgi Olimpiada ochilish marosimi g‘azabga sabab bo‘ldi
Britaniyalik jurnalist o‘zbek sportchisining mag‘lubiyatidan norozi bo‘ldi
HAMAS yetakchisining o‘g‘li: Haniya qoni G‘azodagi bolalar qonidan ustunroq emas
HAMAS yetakchisi Ismoil Haniyani o‘ldirishdan ko‘zlangan maqsad ochiqlandi
K vitamini nima uchun kerak va uni qaysi mahsulotlardan olish mumkin?
“Hizbulloh” Isroil shimoliga o‘nlab raketalar bilan zarba berdi
Xolid Mashal: HAMAS muzokaralar olib bormaydi, yon bosmaydi va Isroilni tan olmaydi
Parij—2024. O‘zbekistonlik bokschilarning chorak finaldagi raqiblari bilan tanishing