Isroilda vazirlarga TikTok'dan foydalanish taqiqlanadi

^{Foto: Bloomberg}
Isroilda vazirlar va ularning xodimlariga davlat telefonlariga xorijiy davlatlar tomonidan boshqariladigan ilovalarni o‘rnatish taqiqlanadi.

Taqiq, xususan, TikTok ijtimoiy tarmog‘iga tegishli. Tegishli qonun loyihasi knesset a’zosi Orit Farkash-Xakoen tomonidan kiritilgan.

Qonun loyihasi ham koalitsiya, ham muxolifat tomonidan keng qo‘llab-quvvatlangan. Deputatning ta’kidlashicha, shunga o‘xshash taqiq allaqachon AQSH, Avstraliya, Kanada, Hindiston va Yevropa Ittifoqining bir qator mamlakatlarida qabul qilingan. Farkas-Xakoenning tushuntirishicha, taqiq hukumat telefonlaridan ma’lumotlarni o‘g‘irlash xavfining oldini olishga qaratilgan. U ma’lumot olish mumkin bo‘lgan davlatlar qatorida Xitoy, Rossiya va Eronni tilga olgan.

Qonun loyihasi Milliy xavfsizlik kengashi, TikTok va Maxfiylik idorasi vakillarini o‘z ichiga olgan qo‘mita yig‘ilishida muhokama qilinganidan keyin taqdim etilgan.

Hozirda 20 ga yaqin isroillik vazirlar, jumladan, harbiy-siyosiy vazirlar mahkamasi a’zolari TikTok'da profilga ega. Ijtimoiy tarmoqda Isroil bosh vaziri Binyamin Netanyaxuning sahifasi ham mavjud. Isroillik TikTok foydalanuvchilarining umumiy soni taxminan 3,8 millionni tashkil etadi. “Zamin” yangiliklarini “Telegram”da kuzatib boring