![Zelenskiy: Ukraina harbiylari Rossiyaning 92 ta aholi punktini nazorat qilmoqda](/uploads/posts/2024-08/x875a728ff8_rsfyxkls2hca-c_tejohqfaazui1lnop.webp.pagespeed.ic.XLiii7gu6K.webp)
Foto: president.gov.ua
Ukraina Rossiyaning Kursk viloyatidagi harbiy amaliyotini davom ettirmoqda. Mamlakatning 92 ta aholi punkti allaqachon Ukraina Qurolli kuchlari nazorati ostida. Bu haqda Ukraina prezidenti Volodimir Zelenskiy ma’lum qildi.
Qayd etilishicha, Ukraina harbiylari Kursk viloyati hududining 1250 kvadrat kilometrdan ortiq qismini nazorat qilyapti.
«Bugungi kunda harbiy kuchlarimiz dushmanning 1250 kvadrat kilometrdan ortiq hududi va 92 ta aholi punktini nazorat qilmoqda», dedi Zelenskiy. Unga ko‘ra, Ukraina uchun asirlarni ayirboshlash fondi ham to‘ldirilmoqda.
«Umuman olganda, bu operatsiya ukrainaliklarni rus asirligidan ozod qilish jarayonidagi eng katta sarmoyamiz bo‘ldi, biz bir operatsiyada eng ko‘p rus asirlarini qo‘lga kiritdik va bu harakatlarimiz davom etmoqda», dedi Zelenskiy.
Uning ta’kidlashicha, bir necha oy oldin dunyoda ko‘pchilik bunday operatsiyaga ishonmagan va Rossiya hududiga bostirib kirishni eng katta «qizil chiziq» deb hisoblagan.
«Shuning uchun ham askarlarimizning haqiqiy tayyorgarligi haqida hech kim eshitmagan. Endi jangchilarning haqiqiy muvaffaqiyatini ko‘rib turishibdi, chegaraning narigi tomonidagi faol harakatlarimiz va Putin o‘z hududini himoya qila olmasligi ko‘p narsadan dalolat beradi», dedi Zelenskiy.
Ukraina rahbarining qo‘shimcha qilishicha, Kursk viloyatidagi operatsiya Rossiya terroriga qarshi eng samarali chora bo‘lib, tajovuzkor davlat uchun vaziyatning haqiqiy murakkablashishini ta’minlaydi.
«Ikkinchidan, bizda juda muhim mafkuraviy o‘zgarish bor, ya’ni: ba’zi sheriklarning urushni baholashda aytgan «qizil chiziqlari» Sudja yaqinida parchalanib ketdi», dedi Zelenskiy.
Uning ta’kidlashicha, dunyo ko‘rmoqda: bu urushda hamma narsa faqat jasoratga bog‘liq — Ukraina va hamkorlarining jasoratiga.
«Sheriklarimiz bunday dadillikda biz bilan hamohang bo‘lishi muhim, shunda Rossiyaning adolatli tinchlikdan boshqa qadami qolmaydi», deb ta’kidladi Zelenskiy va hamkorlarning qurollaridan Rossiya bo‘ylab zarba berishga ruxsat so‘radi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![O‘zbekistonliklar Latviyaga ishga taklif qilinmoqda расм](/uploads/posts/2024-08/xee9ba799f5_photo_2024-08-17_21-21-38-svocqjqq.webp.pagespeed.ic.4sAS-FVBhb.webp)
O‘zbekistonliklar Latviyaga ishga taklif qilinmoqda
![O‘zbekistonda 20 avgust kuni qanday ob-havo bo‘lishi ma’lum qilindi расм](/uploads/posts/2024-08/xbecdfc9c7f_920__95_4194481678.webp.pagespeed.ic.uCTN4WdrO3.webp)
O‘zbekistonda 20 avgust kuni qanday ob-havo bo‘lishi ma’lum qilindi
![Saudiya Superkubogi. "Al-Hilol" finalda "An-Nassr"ni tor-mor etdi расм](/uploads/posts/2024-08/x3be71494cc_photo_2024-08-17_23-18-07-0wigkscv.webp.pagespeed.ic.WDKxIySxlY.webp)
Saudiya Superkubogi. "Al-Hilol" finalda "An-Nassr"ni tor-mor etdi
![Alaudinov: Ukraina QK Kursk viloyatida faol taslim bo‘la boshladi расм](/uploads/posts/2024-08/x47eefc7a20_45208258_00768432_1280x0_80_0_0_078a940b7db8f5d7769e11ed3c8a47c2_jpg.webp.pagespeed.ic.PW8hJNb5v4.webp)
Alaudinov: Ukraina QK Kursk viloyatida faol taslim bo‘la boshladi
![Frontdagi vaziyat: Ukraina qurolli kuchlari katta tavakkalchilik qilmoqda расм](/uploads/posts/2024-08/x09ac8d2164_yzym813estj8ja_irnrxm2lpip-dwuqo.webp.pagespeed.ic.JfmyxPg2kY.webp)
Frontdagi vaziyat: Ukraina qurolli kuchlari katta tavakkalchilik qilmoqda
![Eron prezidenti mamlakat og‘ir iqtisodiy ahvolda ekanini ma’lum qildi расм](/uploads/posts/2024-08/x450c1d28c5_n7d9mwcg4cf_vbpithltiigcpkcots7y.webp.pagespeed.ic.074bxrxt4U.webp)
Eron prezidenti mamlakat og‘ir iqtisodiy ahvolda ekanini ma’lum qildi
!["Navbahor" - "Bunyodkor" uchrashuvi oxirida qo‘yilgan penaltida hakam to‘g‘ri qaror qabul qildimi? расм](/uploads/posts/2024-08/x65bad40586_799303_680.webp.pagespeed.ic.SnV87nF9Ap.webp)
"Navbahor" - "Bunyodkor" uchrashuvi oxirida qo‘yilgan penaltida hakam to‘g‘ri qaror qabul qildimi?
![Rossiya 12 ta ATACMS raketasi tomonidan Qrim ko‘prigiga uyushtirilgan hujumni qaytardi расм](/uploads/posts/2024-08/xdbb8bf49a3_euawudcu25jaqanvfh_sle8bwv3m0lbq.webp.pagespeed.ic.4eT1uVBUQP.webp)
Rossiya 12 ta ATACMS raketasi tomonidan Qrim ko‘prigiga uyushtirilgan hujumni qaytardi