Foto: YONHAPNEWS AGENCY/picture alliance
KXDR Milliy mudofaa akademiyasi dronlar instituti Shimoliy Koreya yetakchisi Kim Chen In ishtirokida kamikadze-dronlarni sinovdan o‘tkazdi, deb xabar berdi Koreya markaziy axborot agentligi 26 avgust, dushanba kuni. Rasmiy ma’lumotlarga ko‘ra, sinovlar muvaffaqiyatli o‘tgan – dronlar belgilangan yo‘nalishlar bo‘ylab uchib, nishonlarni topib, ularni yo‘q qilgan.
Kim Chen In kamikadze-dronlarni ishlab chiqarishni ko‘paytirish va Shimoliy Koreya armiyasini taktik piyoda hamda maxsus operatsiyalar bo‘linmalarida foydalanish uchun ushbu turdagi qurollar bilan tezkorlik bilan jihozlashga chaqirdi. Xususan, agentlik hisobotida suvosti dronlari, hujumkor dronlar va razvedkachi uchuvchisiz uchish qurilmalari tilga olingan.
KXDR avvalroq suvosti yadroviy dron sinovlari haqida e’lon qildi
2024 yil boshida Shimoliy Koreya yadroviy kallak bilan jihozlanishi mumkin bo‘lgan "Xeil-5-23" suvosti dron tizimini sinovdan o‘tkazayotganini e’lon qildi. KXDR Mudofaa vazirligi bu AQSH, Yaponiya va Janubiy Koreyaning Yapon dengizida o‘tkazgan uch kunlik harbiy mashg‘ulotlariga javob ekanligini ma’lum qildi.
"Xeil-5-23" tizimining mavjudligini mustaqil tasdiqlash imkoni yo‘q. Pxenyanga ko‘ra, suvosti droni ilk bor o‘tgan yilning mart oyida sinovdan o‘tkazilgan va u dushman kemalari hamda muhim portlarga kutilmagan hujumlar uyushtirishga qodir.
KXDR Janubiy Koreyaga chiqindi sharlarini uchirishda davom etmoqda
KXDR raketa va uchuvchisiz uchoqlarni sinovdan o‘tkazish bilan bir vaqtda Janubiy Koreya tomon chiqindi solingan sharlarni uchirmoqda. May oyidan beri Pxenyan Janubiy Koreyaga chiqindi bilan to‘ldirilgan ikki mingdan ortiq shar jo‘natdi. Iyul oyi oxirida sharlardan biri Janubiy Koreya prezidenti idorasi binosiga tushdi.
KXDR rasmiylari janubiy qo‘shnisiga «samimiy sovg‘alar» chegara hududlarida Kim Chen In rejimini tanqid qiluvchi «targ‘ibot materiallari tarqatilishiga javob» ekanini aytdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina AQSH bombalari bilan Rossiya hududiga zarba berdi (video)
Sudlangan barcha migrantlarni Rossiyadan chiqarib yuborish tashabbusi Davlat dumasiga kiritiladi
Avstraliyada baliqchilar to‘riga ilinib qolgan 13 metrli kitga yordam ko‘rsatildi
Tramp Jon Kennedi o‘ldirilishi haqidagi hujjatlarni maxfiylikdan chiqarishga va’da berdi
Narendra Modi o‘zini Ukrainaning «do‘sti» deb atab, tinchlikka erishishga yordam berishni va’da qildi
“Real Madrid” 12 yoshli belaruslik futbolchi bilan shartnoma imzoladi
Olimpiya o‘yinlarida ishtirok etgan bir guruh sportchi va murabbiylar mukofotlandi
“Chorsu”dagi kiyim do‘konlaridan birida yong‘in chiqdi
