ISHID Yevropadagi tarafdorlarini yahudiylarga hujum qilishga chaqirdi

^{Foto: detaly.co}
“Islomiy davlat” terrorchilik tashkiloti G‘azo sektoridagi urush fonida o‘z tarafdorlarini Yevropadagi yahudiylarga qarshi hujumlar uyushtirishga chaqirdi.

Tashkilotning haftalik “Yevropadagi jihod” jurnalidagi bosh maqolada aytilishicha, tashkilot o‘zining musulmon tarafdorlaridan Germaniya va “boshqa salibchilar”da sodir bo‘lgani kabi ko‘proq hujumlarni kutmoqda. Maqolada yahudiylarni “qatl va o‘t qo‘yish” orqali jazolash hamda ularga zarar yetkazishga chaqirilgan.

ISHID, shuningdek, Isroilda ham bosh ko‘tarmoqda: Qudduslik 16 yoshli o‘smir Bayt Xaninadagi maktabda o‘z do‘stlarini ISHID safiga jalb qilishga uringanlikda ayblangan.

O‘tkazilgan tergov natijalariga ko‘ra, u maktabda tashkilotning terroristik kontentini tarqatgan. Tashkilotni, uning faollari va mafkurasini maqtagan, o‘zini tashkilot a’zosi va ashaddiy tarafdor deb ko‘rsatgan. Shuningdek, terrorchilik hujumlarini amalga oshirish va Iroqqa sayohat qilish istagi haqida gapirgan.

“Maktab o‘qituvchilari bu haqda bilishgan, lekin rasmiylarga xabar berishmagan”, dedi politsiya tergov guruhi rahbari.
Taxminan ikki hafta oldin Isroil umumiy xavfsizlik xizmati va politsiya “Islomiy davlat” hamda “Tolibon” harakati materiallari ta’sirida Isroilda terakt uyushtirmoqchi bo‘lgan Negev aholisining tashkilotini fosh qilganini ma’lum qilgandi. “Zamin” yangiliklarini “Instagram”da kuzatib boring