Foto: AP
SpaceX ikki yil ichida Marsga Starship kosmik kemasini uchirishni rejalashtirmoqda, sayyoraga birinchi odamning parvozi to‘rt yil ichida amalga oshishi mumkin, dedi Ilon Mask.
«Bundan keyin (Marsga) parvozlar intensivligi eksponent ravishda oshadi, bizning maqsadimiz - taxminan 20 yil ichida Marsda o‘zini o‘zi ta’minlaydigan shahar qurish», dedi SpaceX asoschisi.
"SpaceX ikki yildan so‘ng Marsga Starship kosmik kemalarini uchirishni rejalashtirmoqda, to‘rt yildan keyin sayyoraga birinchi marta odamlar parvoz qiladi", dedi SpaceX asoschisi Ilon Mask.
Starship parvozlari orqali sayyoraga qo‘nish jarayoni mashq qilinadi. «Agar qo‘nishlar muvaffaqiyatli bo‘lsa, 4 yildan so‘ng Marsga odamning birinchi parvozi amalga oshiriladi», deb yozdi Mask va taxminan 20 yil ichida sayyorada o‘zini o‘zi ta’minlaydigan shaharni qurmoqchi ekanini ma’lum qildi.
Bunga erishish uchun Marsga foydali yukni yetkazib berish xarajatlarini kamaytirish kerak - hozirgi bir tonna uchun 1 milliard dollardan 100 ming dollargacha, dedi Mask.
«Demak, texnologiya 10 ming marta yaxshiroq bo‘lishi kerak. Juda qiyin, lekin imkonsiz emas», dedi u. Milliarderning eslashicha, SpaceX birinchi «to‘liq qayta foydalanish mumkin» raketani ishlab chiqdi va uni qayta ishlatishni iqtisodiy jihatdan samarali qildi.
Starship kosmik kemasi sayyoralararo parvozlar uchun mo‘ljallangan. SpaceX veb-saytida aytilishicha, u eng baland kosmik kema va qayta foydalanish mumkin bo‘lganda 150 tonnagacha yukni ko‘tarishga qodir. Kema odamlar va yuklarni Oy va Marsga yetkazish uchun yaratilgan. Buning uchun 33 ta dvigatelga ega Super Heavy o‘ta og‘ir raketa ishlab chiqilgan.
Mart oyida SpaceX kompaniyasi Starship kemasining uchinchi sinovini o‘tkazdi. Kompaniyaning xabar berishicha, raketa koinotga uchirildi, biroq Yer atmosferasiga qaytgach, Starship signalni yuborishdan to‘xtagan, oqibatda raketaning birinchi bosqichi qo‘nolmadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Malayziya bosh vaziri G‘arbni ikkiyuzlamachilikda aybladi
Lavrov «qizil chiziqlar bo‘yicha hazillashmaslik kerakligi»ni aytdi
Haybatni kuchaytirish uchun 8 ta tavsiya
AQSH rasmiylari: Isroil va HAMAS o‘rtasidagi kelishuv yakunlanish arafasida
Endi tadbirkorlarning tovarlari erkin harakatlanishini cheklashga yo‘l qo‘yilmaydi
CNN taslim bo‘lgan ukrainalik askarlarning otib tashlanishi aks etgan videoni e’lon qildi
Dilshod Rahmatov: Jahon chempionatida O‘zbekiston sharafini munosib himoya qilamiz
Durov Fransiyada unga qarshi qo‘yilgan ayblovlarga ilk bor munosabat bildirdi