Foto: Vlada Republike Slovenije
Germaniya kansleri Olaf Shols Ukrainadagi urushni tezlashtirish va Rossiya bilan tinchlik bitimini muhokama qilishni boshlash vaqti kelganini ta’kidladi.
“O‘ylaymanki, hozir biz urush holatidan qanday chiqib ketish va tinchlikka hozirgidek tezroq erishishimiz mumkinligini muhokama qilishimiz kerak bo‘lgan vaqt”, dedi Shols.
Sholsga ko‘ra, Rossiya Ukraina bo‘yicha ikkinchi “tinchlik sammiti”ga taklif qilinishi kerak. Germaniya kanslerining fikricha, Ukraina prezidenti Vladimir Zelenskiy ham mazkur qarorni tasdiqlaydi.
Avvalroq Zelenskiy NBC telekanaliga bergan intervyusida Rossiya vakillari noyabr oyida bo‘lib o‘tadigan ikkinchi tinchlik sammitiga kelishi kerakligini aytgan. Uning ta’kidlashicha, Rossiya ishtirokisiz diplomatik sa’y-harakatlar bilan harbiy mojaroga barham berish “juda qiyin”. Shu bilan birga, Germaniyada Ukraina mudofaasi bo‘yicha “Ramshteyn-24” aloqa guruhining yig‘ilishida Zelenskiy urushni qish boshlanishidan oldin yakunlashga chaqirgan.
“Keling, bu kuz Rossiya agressiyasi tugaydigan vaqt ekanligiga ishonch hosil qilaylik. Ishonchli xalqaro xavfsizlik tartibini tiklaydigan tarzda. Biz buni amalga oshirishimiz kerak”, deydi Zelenskiy Ukrainaning G‘arbdagi ittifoqchilariga murojaat qilib.
Uning ta’kidlashicha, Kiyev “o‘z qurollarini ko‘proq ishlab chiqarishga” va “haqiqiy tinchlik”ga erishish uchun “Rossiyaga bosim o‘tkazish” uchun G‘arb davlatlari bilan dronlar, raketalar va boshqa qurollarni ishlab chiqarish bo‘yicha hamkorlik qilishga tayyor. Ukraina yetakchisi buning uchun mamlakatga mablag‘ kerak bo‘lishini qo‘shimcha qilgan.
Birinchi tinchlik sammiti 15-16 iyun kunlari Shveysariyada bo‘lib o‘tgan edi. Unda 91 ta davlat va sakkizta tashkilot vakillari ishtirok etgan, biroq Rossiya taklif qilinmagan edi. Tadbirda Zelenskiyning “tinchlik formulasi”ning bir qancha bandlari muhokama qilingan.
Avgust oyi oxirida Zelenskiy AQSHga taqdim etiladigan Ukraina uchun “g‘alaba rejasi” ishlab chiqilishini e’lon qilgan. Unda beshta bosqich, jumladan Kursk viloyatidagi operatsiya ham bor. Ukraina rahbari ikkinchi “tinchlik sammiti” uchun “urushni tugatish bo‘yicha batafsil reja” tayyor bo‘lishini va’da qilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Zelenskiy Putin borasida bayonot berdi: “Tinchlikni istaganlar yuziga tupurmoqda”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Ukraina Kursk oblastida egallab olgan hududlarining 40 foizdan ortig‘ini yo‘qotdi
