![AQSHda cherdakdan topilgan portret 1,4 mln dollarga sotildi](/uploads/posts/2024-09/x5eb4ab1609_g9xrzapmr9qqi5dmk1llysubljq_2byk.webp.pagespeed.ic.7rfz4lElj2.webp)
Foto: Thomaston Place Auction Gallerie
Thomaston Place auksion galereyasi asoschisi Kaja Veilleux Men shtatidagi Kamden shahrida joylashgan xususiy uylardan biriga rejali tashrifi davomida, bino cherdagida XVII asrga tegishli suratga duch keldi, deb xabar beradi CNN.
«Uylarga chaqiriq davomida biz ko‘r-ko‘rona, nima topishimizni bilmagan holda boramiz. Ushbu uy ko‘plab san’at asarlariga to‘la edi, ammo cherdakda g‘aroyib portretga duch keldik», — deydi Veilleux.
Topilgan san’at asari niderlandiyalik rassom Rembrandt uslubida chizilgan va uning romining orqa tarafiga ham mashhur ijodkorga tegishli yorliq yopishtirilgan. Filadelfiya san’at muzeyi tomonidan berilgan bir parcha varaq kartina 1970 yilda muzeyga ijaraga berilganini tasdiqlaydi.
![](/uploads/posts/2024-09/xb602ae91bb_xibhanzii-yww2onv6ycjbtvfe_u8jjj.webp.pagespeed.ic.cYPOy6YNOt.webp)
Ammo portret haqida ma’lumot juda kam va u aksariyat mutaxassislar tomonidan Rembrandt ijodining bir qismi sifatida tan olinmagan. Kimoshdi uyining ma’lum qilishicha, suratdagi yorliq haqiqiy, Filadelfiya san’at muzeyi esa kartinani ijaraga olganini tasdiqlay olmagan.
Thomaston Place topilgan suratni Rembrandt bo‘yicha ekspertlarga ko‘rsatgan yoki ko‘rsatmagani noma’lum, shunga qaramay, ular kartinani 10-15 ming dollar qiymatida sotuvga qo‘ygan. Portret «Rembrandt kabi» nomi ostida kimoshdiga chiqarilgan bo‘lib, dastlabki taklif etilgan narx 32,5 ming dollarni tashkil etgan.
Ma’lumotlarga ko‘ra, kimoshdi savdolarida o‘ndan ortiq potensial xaridorlar ishtirok etgan bo‘lib, ularning ayrimlari Yevropadan telefon orqali qatnashgan. Telefon orqali savdoga kirishgan uch nafar xaridor taklif etgan eng yuqori narx 900 ming dollarga yetgan. Shundan keyin kartinani sotib olishni istagan yana ikki kishi uning qiymatini 1,41 million dollarga qadar ko‘targan.
Kimoshdi uyining qayd etishicha, bu Men shtatida auksion orqali sotilgan eng qimmat san’at asaridir.
Rembrandt bo‘yicha tadqiqotchi Geri Shvarsning aytishicha, potensial xaridor avvalroq ushbu surat haqida uning fikrini so‘ragan. U noma’lum kolleksionerga (savdoda g‘olib bo‘la olmagan) xaridni amalga oshirishni tavsiya qilgan. San’at tarixchisining so‘zlariga ko‘ra, mazkur portret niderlandiyalik rassom tomonidan chizilganining «ehtimoli juda katta». “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Ko‘zlar ko‘rmay qolishiga sabab bo‘ladigan omillar расм](/uploads/posts/2024-09/x0144112ac2_photo_2023-05-19_15-11-21-86ol95k7.webp.pagespeed.ic.lP3Q5g76g6.webp)
Ko‘zlar ko‘rmay qolishiga sabab bo‘ladigan omillar
![Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi расм](/uploads/posts/2024-09/x13c9bb0dfa_nfcjm6hvlxy9gu5g_unab7ngkngxofbl.webp.pagespeed.ic.sOri8Ep9Z5.webp)
Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi
![Rossiya hukumati raisi Mixail Mishustin O‘zbekistonga keldi расм](/uploads/posts/2024-09/xd95bbb8ee6_4-ghlrc0zl.webp.pagespeed.ic.GXgAKq6VVi.webp)
Rossiya hukumati raisi Mixail Mishustin O‘zbekistonga keldi
![Isroilda misli ko‘rilmagan darajada katta namoyish: hukumat nima qiladi? расм](/uploads/posts/2024-09/x1323c56b7a_920__95_2859653886.webp.pagespeed.ic.yx9Q0nHqsh.webp)
Isroilda misli ko‘rilmagan darajada katta namoyish: hukumat nima qiladi?
![Besh arab davlati Isroilga talab qo‘ydi расм](/uploads/posts/2024-09/xd2c07cef8f_920__95_1374385324.webp.pagespeed.ic.ebGXPFENvC.webp)
Besh arab davlati Isroilga talab qo‘ydi
![Xitoy va Rossiya sentyabr oxirigacha harbiy mashg‘ulotlar o‘tkazadi расм](/uploads/posts/2024-09/xdc3b604246_1.webp.pagespeed.ic.SezATT8gNj.webp)
Xitoy va Rossiya sentyabr oxirigacha harbiy mashg‘ulotlar o‘tkazadi
![O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi расм](/uploads/posts/2024-09/x536b010a70_2024-09-092023_01_17-v9qpxd_b.webp.pagespeed.ic.gYW6aS_aTD.webp)
O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi
![O‘zbekistonda ayrim tadbirkorlarga 100 mln so‘mgacha garovsiz mikrokreditlar ajratiladi расм](/uploads/posts/2024-09/x9264d02303_ba2dc4660a_01.webp.pagespeed.ic.8eLHZjs4Ml.webp)
O‘zbekistonda ayrim tadbirkorlarga 100 mln so‘mgacha garovsiz mikrokreditlar ajratiladi