6 781
Moskvada fojiali yong‘in: 8 nafar o‘t o‘chiruvchi omborxonadagi olov ichidan qaytib chiqmadi
Rossiya poytaxti sharqidagi Golyanovo tumanida joylashgan omborxonada chiqqan yong‘inni o‘chirish ishlariga jalb etilgan o‘t o‘chiruvchilarning 8 nafari olov ichida izsiz yo‘qoldi.
Mahalliy nashrlarning ma’lumotiga ko‘ra, Amur ko‘chasidagi sun’iy gullar tayyorlanadigan omborxonada yirik yong‘in kelib chiqqan. Alanga 4 ming kv m maydonni qamrab olgan. Bu yong‘in og‘irligi bo‘yicha to‘rtinchi darajali deb baholangan.
O‘t o‘chirish ishlariga 200 nafar o‘t o‘chiruvchi hamda 60ta texnika safarbar etilgan. Yonayotgan plastikni o‘chirish ilojsiz ishga aylangan, o‘t o‘chiruvchilar binolarga kislorod kirishini to‘sib qo‘yish maqsadida barcha nuqtalarni ko‘pikka to‘ldirish uchun yoppasiga harakat qilgan.
Hozirda yong‘inning avj olishi to‘xtatilgan, uni butunlay bartaraf ishlari davom etmoqda, endilikda olovning aholi uchun xavfi qolmagan.
Guvohlarning ma’lumotlariga ko‘ra, yong‘in birdaniga boshlangan. Guvohlar bino ichidan chopib chiqqan ishchi ayollarni ko‘rishgan.
"Ular juda tez chopishardi, ba’zilari choynakdan yong‘in chiqqani haqida aytishardi. Avvaliga vaziyat jiddiy emasdek ko‘rinardi", degan o‘tkinchi guvohlardan biri.
8 nafar o‘t o‘chiruvchi tom qulab tushgach, halok bo‘lgani taxmin qilinmoqda. RIA Novosti xabarida aytilishicha, o‘nlab ishchilar yong‘in ichida qolgan bo‘lishi mumkin.
Yong‘in to‘la bartaraf etilgach, bedarak ketgan kishilarni qidirish ishlari boshlanadi.
Rossiya shahri meri Sergey Sobyanin halok bo‘lgan o‘t o‘chiruvchilarning yaqinlariga hamdardlik bildirgan.
[media=https://youtu.be/gy_msfcPeuE]
Manba: Kun.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Vladimir Putin «Krokus»da sodir etilgan terakt uchun o‘ch olishga chaqirdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ruslar Abrams tanklarining zaif tomonini topishdi
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi