Estoniyalik akrobat tarixda ilk bor Osiyodan Yevropaga kanat orqali o‘tdi

^{Foto: Kapar}
Estoniyalik akrobat Yaan Ruz Osiyodan Yevropaga kanat orqali o‘tgan birinchi insonga aylandi. Bu haqda Hurriyet gazetasi xabar berdi.

Sportchi Bosfor bo‘g‘ozi ustidan deyarli 1,1 ming metr uzunlikdagi kanat bo‘ylab yurgan. Arqon Bosfor ko‘prigi ustunlari orasiga yerdan 165 metr balandlikda tortilgan. Maxsus muvozanatlagichlarsiz ikki nuqta orasida tortilgan arqon bo‘ylab yurish — sleklayn bo‘yicha uch karra jahon chempioni masofani 47 daqiqada bosib o‘tgan.

Akrobat Bosfor bo‘g‘ozini “sleklayn uchun alohida joy” deb ta’riflagan. U tarixga kirganidan baxtiyorligini bildirgan. Sport tadbiri Turkiya transport vazirligi va avtomobil yo‘llari boshqarmasi tomonidan uyushtirilgan.

Ilgari dorboz Italiyada arqon ustida 3,6 ming metr masofani bosib o‘tishga erishgandi. 2023 yilda sportchi Qatardagi Katara Towers osmono‘par binosining minoralari orasida, 195 metrdan ortiq balandlikda tortilgan 150 metrli LED chiziq ustidan yurgan.

Ruz 18 yoshida sleklayn bilan shug‘ullana boshlagan. U arqonda orqaga ikki marta o‘mbaloq oshishni uddalagan birinchi va yagona sportchi hisoblanadi. “Zamin” yangiliklarini “Odnoklassniki”da kuzatib boring