Foto: RIA Novosti
Misrning Suvaysh-Qohira trassasida sayyohlik avtobusi ishtirokidagi yo‘l-transport hodisasi natijasida 46 kishi jabrlandi, ulardan 21 nafari Rossiya, 11 nafari Turkiya, 9 nafari Italiya, 3 nafari Misr va ikki nafari Britaniya fuqarolari. Ular Suvaysh tibbiyot majmuasiga olib ketildi, deb xabar berdi Ahram Online.
14 sentyabr kuni kechqurun avtobus ag‘darilib ketgan. Yaralangan misrliklar orasida sayyohlik kompaniyasi vakillari va haydovchi yordamchisi ham bor. Sayyohlar ekskursiyadan so‘ng Sharm ash-Shayxga qaytayotgan edi.
Kasalxona favqulodda holat rejimini e’lon qildi va jabrlanganlarga yordam berish uchun barcha tibbiyot xodimlarini chaqirdi.
Misr sog‘liqni saqlash vaziri vaziyatni kuzatmoqda
Misr sog‘liqni saqlash vaziri Xolid Abdel Gaffa vaziyatni shaxsan kuzatib borayotgani aytilmoqda.
Cairo 24 aniqlik kiritishicha, jabrlanganlarning jarohatlari yengildan o‘rtacha og‘irlikkacha. Suvaysh tergov idoralari favqulodda holat sabablarini o‘rganmoqda. ANSA ma’lumotlariga ko‘ra, yetti nafar italiyalikning ahvoli barqaror, ikki nafarining ahvoli og‘ir va reanimatsiyada. Jabrlanganlardan biri, 34 yoshli italiyalik ayol qo‘lidan ayrilish xavfi ostida.
Kasalxona politsiya tomonidan o‘rab olingan va faqat sayyohlar kelgan davlat xodimlari va diplomatlariga kirishga ruxsat berilgan.
Rossiya konsulligi xodimi Suvayshga jo‘nab ketdi
Rossiya elchixonasi Misrdagi baxtsiz hodisaga uchragan rossiyalik sayyohlar bilan bog‘liq vaziyatni kuzatib bormoqda va hodisa sabablarini aniqlashtirishda davom etmoqda. Ruslar turli darajadagi jarohatlar oldi. Barcha jabrlanganlarga tibbiy yordam ko‘rsatildi, ularning bir qismi Suvaysh kasalxonalariga yotqizildi, deya xabar beradi diplomatik missiya.
«Biz Rossiya fuqarolariga zarur yordam ko‘rsatmoqdamiz, Suvayshga konsullik xodimi yuborildi», — deya qo‘shimcha qildi missiya.
Mart oyida Germaniya g‘arbidagi Shimoliy Reyn-Vestfaliya yerida yo‘nalishli avtobus avtobandan chiqib ketishi oqibatida 20 dan ortiq kishi jarohatlangan edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Turkiya o‘zining birinchi kvant kompyuterini taqdim etdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Har payshanba jismoniy tarbiya va sport kuni sifatida belgilanadi
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Husiylar Isroil aviabazasiga gipertovushli raketa bilan zarba berdi
