Foto: Kremlin.ru
Hindiston Rossiyaning iltimosini rad etgan holda Ukrainaga artilleriya o‘q-dorilarini yetkazishda davom etmoqda, deb xabar berdi Reuters agentligi.
Hind davlat korxonalari Ukrainaga o‘q-dori ishlab chiqarishda qatnashmoqda. O‘q-dori Kiyevga Chexiya, Italiya kabi Yevropa mamlakatlari orqali yetkazilmoqda. Hindiston Ukrainaga Ispaniya va Sloveniya orqali snaryad ishlab chiqarish uchun komponentlarni yetkazishi ham kutilmoqda.
Ukrainaga hind o‘q-dorilari yetkazilishi Moskva tomonidan xavotir bilan qarshilangan. Xususan, Rossiya tashqi ishlar vaziri Sergey Lavrov hind hamkasbi bilan muzokaralarda o‘q-dori yetkazishni to‘xtatishni so‘ragan. Ammo bu iltimos rad etilgani aytilmoqda.
Urush qizigan bir paytda Rossiya ham, Ukraina ham artilleriya o‘q-dorilari yetishmasligidan qiynalmoqda.
Moskva qurol-aslaha va o‘q-dori borasida Shimoliy Koreya va Eron, Ukraina esa G‘arb ko‘magiga suyanmoqda.
Rossiya Ukraina hududiga bostirib kirgan dastlabki oylarda Hindiston betaraf maqomda turishga uringan. Ham Vashington, ham Moskva bilan strategik hamkorlikka ega mamlakat G‘arb bosimiga qaramay, Rossiya tajovuzini qoralashdan tiyilgan. Ekspertlar Dehli ma’muriyatining bu boradagi siyosatini «ikki kemaning uchini tutish» deb baholagan.
Keyingi vaqtlarda Hindistonning Ukraina urushi borasidagi pozitsiyasi o‘zgardi. Dehli Moskvani qurolli ziddiyatni muloqot yo‘li bilan hal etishga chaqira boshladi. Xususan, bosh vazir Narendra Modi 2023 yil iyun oyida «The Wall Street Journal» nashriga bergan intervyusida Dehli hukumati Ukraina masalasida betaraf emasligini ta’kidladi.
«Ayrimlar bizni betaraf deb hisoblaydi. Yo‘q, unday emas. Biz tinchlik tomonidamiz. Barcha mamlakatlar xalqaro huquq va davlat suverenitetini hurmat qilishi shart», – deya mohiyat e’tiboriga ko‘ra Kremlning bosqinchilik urushini qoralagan Modi.
Hindiston fuqarolari Rossiya tomonidan aldov yo‘li bilan urushga jalb etilgani ma’lum bo‘lgach, ikki davlat o‘rtasida diplomatik taranglik ham yuzaga keldi.
Bu masala prezident Vladimir Putin va bosh vazir Narendra Modining joriy yil 8 iyul kuni Moskvadagi uchrashuvida ham muhokama qilindi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Husiylar Isroil aviabazasiga gipertovushli raketa bilan zarba berdi
