Foto: Getty Images
Nyu-York shahri meri Erik Adams 2021 yilgi saylov kampaniyasi uchun xorijiy mamlakatlardan mablag‘ olganlikda gumonlanib, federal tergovchilar diqqatini tortdi. 2023 yil noyabr oyida mer alohida federal tekshiruv doirasida telefonlarini topshirgandi. Ushbu tekshiruv uning 2021 yilgi saylov kampaniyasi Turkiya fuqarolari va davlat amaldorlaridan noqonuniy xayr-ehsonlar olgan-olmaganligini aniqlashga qaratilgan.
Eyewitness News nashri tasdiqlashicha, tekshiruv Adamsning nafaqat Turkiya, balki Isroil, Qatar, Xitoy, Janubiy Koreya va O‘zbekiston bilan aloqalarini ham qamrab olgan. O‘zbekiston — Adams tashrif buyurmagan yagona mamlakat sifatida mazkur oltita davlat orasida alohida o‘rin tutadi.
Tergovchilar 2021 yilgi saylovlar oldidan Adamsning saylovoldi shtabi chet eldan noqonuniy xayriya mablag‘larini olish maqsadida Turkiya hukumati bilan til biriktirgan yoki yo‘qligini aniqlashga harakat qilmoqda. Bundan tashqari, merning xavfsizlik muammolariga qaramay, baland binoli yangi turk konsulxonasi qurilishini ma’qullash uchun o‘t o‘chirish xizmatiga tazyiq o‘tkazgani haqidagi gumonlar ham o‘rganilmoqda.
Hozirda prokurorlar yana beshta davlat — Isroil, Xitoy, Qatar, Janubiy Koreya va O‘zbekiston bilan o‘zaro hamkorlikka oid qo‘shimcha ma’lumotlarni qidirmoqda.
Har qanday huquqbuzarlikni inkor etayotgan mer Adams Bronksdagi jamoatchilik bilan uchrashuvda uning ma’muriyati bor e’tiborini shaharga xizmat ko‘rsatishga qaratganini aytdi.
“Nyu-York shahrining o‘z ishiga fidoyi bo‘lgan bu jamoasi shahar tarixidagi eng xilma-xil ma’muriyatlardan biri hisoblanadi. Ular barchamizga yaxshi ma’lum vazifani bajarish yo‘lida bizni oldinga yetaklashda davom etmoqda”, — dedi Adams.
Xabarga qo‘shimcha qilinishicha, mer Adams ma’muriyatining yana bir yuqori martabali amaldori iste’foga chiqyapti. Nyu-York shahar sog‘liqni saqlash bo‘yicha komissari, doktor Eshvin Vasan dushanba kuni iste’foga ariza berdi va yil oxirigacha o‘z lavozimini tark etadi.
U Adams ma’muriyatiga nisbatan davom etayotgan federal tergov tufayli emas, balki shaxsiy sabablarga ko‘ra lavozimini tark etayotganini aytgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
