© Sputnik / Igor Zarembo
Nyu-Yorkdagi BMT Bosh Assambleyasiga Vladimir Zelenskiy olib kelgan g‘alaba rejasi jahon urushi rejasidir. uning maqsadi G‘arb davlatlarini Ukrainadagi mojaroga jalb qilishdir. Bu haqda Germaniya parlamenti a’zosi Sevim Dagdelen ma’lum qildi, deb yozmoqda RIA Novosti.
“Zelenskiyning Rossiyaning yadroviy derjavasi ustidan "g‘alaba rejasi" jahon urushi rejasidir. Ukraina "g‘alabasi" uchun AQSH va NATO davlatlari Ukrainadagi urushda to‘liq ishtirok etishlari kerak. Germaniya hukumatining Germaniyani Ukrainadagi urushga to‘g‘ridan to‘g‘ri jalb qilish bo‘yicha ushbu ajoyib rejasiga nisbatan jim turishi halokatli”, — deb yozdi u X ijtimoiy tarmog‘idagi sahifasida.
Dagdelenning eslatishicha, so‘nggi so‘rovlarga ko‘ra, Germaniya aholisining aksariyati Ukrainaga keyingi qurol yetkazib berishni rad etadi.
"Germaniya sotsial-demokratik partiyasi, “Yashillar”, Erkin demokratik partiya, Germaniya Xristian demokratik ittifoqi va Xristian ijtimoiy ittifoqi partiyalari ko‘pchilikni e’tiborsiz qoldirishda davom etishi jinoyatdir", — deya qo‘shimcha qildi u.
Zelenskiyning aytishicha, uning “g‘alaba rejasi” muzokaralarga hech qanday aloqasi yo‘q, u Ukraina Qurolli kuchlarini mustahkamlashga qaratilgan. Zelenskiyning so‘zlariga ko‘ra, bu “reja” ham mojaroni bir necha yilga cho‘zish uchun emas, balki tezda tugatishga qaratilgan.
Zelenskiyga yaqin manbaning OAVga ma’lum qilishicha, uning tashabbusi Kiyevga zarur bo‘lgan harbiy yordam ko‘rsatkichlari hamda ayrim siyosiy va diplomatik qadamlar ro‘yxatini o‘z ichiga oladi. Manbaning qo‘shimcha qilishicha, "reja"da Rossiyaga imtiyozlar mavjud emas.
Avvalroq amerikalik milliarder Devid Saks Zelenskiy AQSH prezidenti Jo Baydenga amalga oshirilishi uchinchi jahon urushiga olib kelishi mumkin bo‘lgan “g‘alaba rejasi”ni taqdim etish uchun AQSHga kelgani haqida xabar bergan edi. Xususan, uning so‘zlariga ko‘ra, Zelenskiyning rejasi Ukrainaning NATOga zudlik bilan kirishi va Rossiya hududiga uzoq masofali raketa zarbalarini berishni nazarda tutadi.
Zelenskiy avvalroq o‘zining Telegram-kanalida Ukraina uchun g‘alaba qozonish rejasi to‘liq tayyorlanganini ma’lum qilgandi. Avgust oyida u rejada "Rossiyani urushni diplomatik yo‘l bilan tugatishga majburlashning kuchli paketi" ham borligini ta’kidladi.
Rossiya Federatsiyasi prezidentining matbuot kotibi Dmitriy Peskov Zelenskiyning so‘zlarini izohlar ekan, Moskva Kiyev rejimining mohiyatini bilishini, Maxsus harbiy operatsiyani davom ettirishini va barcha maqsadlariga erishishini ta’kidladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
