Artem Dmitruk Foto: RBK-Ukraina
Ukraina hukumati Britaniyadan Oliy Rada deputati, mamlakat prezidenti Volodimir Zelenskiyning «Xalq xizmatkori» partiyasi sobiq a’zosi Artem Dmitrukni ekstraditsiya qilishni talab etmoqda. Bu haqda Britaniyaning Independent gazetasi 24 sentyabr, seshanba kuni o‘z saytida ma’lum qildi.
Siyosatchining o‘zi nashrga bergan izohida Ukrainada yaqinda qabul qilingan Ukraina pravoslav cherkovi (UPCH) faoliyatini taqiqlovchi munozarali qonunga nisbatan muxolifat pozitsiyasi tufayli vatanini tark etishga majbur bo‘lganini aytdi. Artem Dmitruk UPCH vakilidir, deb yozadi Independent.
Ayni paytda, Kiyevning ekstraditsiya so‘rovi 2020 yilda Dmitruk «siyosiy uchrashuvga kuch ishlatib kirmoqchi bo‘lgan» voqea bilan bog‘liq. Unga «bezorilik» ayblovi qo‘yilgan, deyiladi nashr xabarida.
Gazetaning eslashicha, Dmitrukning Britaniyaga qochib ketishi «dramatik uslubda» sodir bo‘lgan: avval u taksida Moldova bilan chegaraga borgan, o‘rmon orqali bu mamlakatga o‘tgan, u yerdan Italiyaga uchib ketgan va shundan keyingina Londonga ko‘chib kelgan. Bu shaharda, jurnalistlarga ko‘ra, uning oilasi yashaydi.
Xalq deputatining gazetaga aytishicha, Britaniya hukumati Ukrainadan qochib ketgani munosabati bilan avgust oyida mamlakatga kelganidan keyin uning xavfsizligini ta’minlagan.
Dmitruk o‘zini «siyosiy zulm qurboni» deb biladi
24 sentyabr kuni ukrainalik deputat ekstraditsiya ayblovi bo‘yicha Londondagi Vestminster sudi oldida javob berishi kerak edi. Ushbu uchrashuv arafasida u Independent nashriga «cherkovni qo‘llab-quvvatlagani uchun Zelenskiy hukumati tomonidan siyosiy zulm qurboni bo‘lganini» aytdi.
25 sentyabr kuni ertalab sud tomonidan chiqarilgan qaror haqida ommaviy axborot vositalarida, sud veb-saytida yoki Artem Dmitrukning Telegram-kanalida hech qanday ma’lumot yo‘q. Xabar e’lon qilingan vaqtga kelib, DW tahririyat tomonidan Vestminster sudiga yuborilgan so‘rovga hali javob olmagan.
Independent nashri yozganidek, «Zelenskiyning UPCHni yopishga urinishlari Britaniya Tashqi ishlar vazirligi va Angliya cherkovida din erkinligi holati haqida xavotir uyg‘otdi». «Ukraina hukumati UPCH Rossiya uchun josuslik faoliyatini olib borayotganini va Vladimir Putinning ittifoqchisi bilan aloqadorligini ta’kidladi», deb yozadi nashr.
25 avgust kuni Vatikandagi Avliyo Petr maydonida ibodat chog‘ida Rim papasi Fransisk ham «Ukrainada yaqinda qabul qilingan qonunlar»ni hisobga olib, diniy erkinlik holatidan xavotirda ekanini aytdi.
«Mening Zelenskiy bilan shaxsiy muammolarim yo‘q, — deya Artem Dmitrukning ekstraditsiya qilish masalasi bo‘yicha sud majlisi arafasida aytgan so‘zlaridan iqtibos keltirgan britan nashri. — Men rozi bo‘lmagan siyosat saylovchilarimga salbiy ta’sir ko‘rsatmoqda». “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
Italiya sudi Quddus Isroil poytaxti emasligi haqida qaror chiqardi
22 noyabr kuni Cobalt avtomobiliga shartnoma ochilishi e’lon qilindi
Shavkat Mirziyoyev Rossiya bosh prokurori bilan uchrashuv o‘tkazdi
