Foto: Belarus prezidenti matbuot xizmati
Agar NATO davlatlari Belarusga hujum qilsa, Minsk Rossiya bilan kelishuv asosida mamlakatga joylashtirilgan yadroviy qurolni qo‘llaydi. Bu haqda respublika prezidenti Aleksandr Lukashenko ma’lum qildi.
«Ular bizga hujum qilishi bilan yadroviy qurolni qo‘llaymiz. Va Rossiya biz tomonda», — deydi Lukashenko. Uning ta’kidlashicha, RF prezidenti Vladimir Putin yadroviy doktrinaga o‘zgartirish kiritish bo‘yicha yaqindagi nutqida Belarus o‘z himoyasi uchun yadroviy quroldan foydalanishi mumkinligini tasdiqlagan.
Uning so‘zlariga ko‘ra, Polsha va Amerika harbiylari allaqachon, Belarus chegarasiga kelib bo‘lgan, Polsha hukumati hujum uyushtirish uchun «qo‘lini ishqalab», kerakli vaqtni kutmoqda. Shu bilan birga, Lukashenko Minsk tomonidan yadroviy qurol qo‘llanilishi natijasida Rossiya ham javob qaytarishidan ogohlantirdi.
«Rossiya o‘zining butun yadroviy arsenalini qo‘llaydi. Bu esa jahon urushi degani. G‘arb buni xohlamaydi. Ular bunga tayyor emas. Ammo biz ochiq gapiramiz: qizil chiziq — davlat chegarasi. Uni bosdingmi — shu on javob olasan», — deya ta’kidlaydi Belarus prezidenti.
SSSR tarqalgach, Belarus o‘z yadroviy qurollaridan voz kechgan va 1994 yilda Yadroviy qurolni tarqatmaslik bitimiga qo‘shilgan. Respublika hududidan yadroviy qurollar 1996 yilning noyabrida to‘liq olib chiqib ketilgan.
Biroq 2023 yil martida Vladimir Putin Rossiya taktik yadroviy qurollarini Belarus hududiga joylashtirish rejasi haqida gapirgan edi — u Amerika shu kabi qurollarini Yevropa davlatlariga joylashtirganini misol qilib keltirgan. O‘sha yilning iyuni o‘rtalarida birinchi yadroviy zaryadlar respublikaga olib kelingan.
2024 yilning yoz fasli boshlariga kelib Belarus harbiylari strategik bo‘lmagan yadroviy qurolni qo‘llash bo‘yicha tayyorgarlikdan o‘tdi. 25 sentyabr kuni Putin Xavfsizlik kengashining tiyib turuvchi yadro kuchlari bo‘yicha yig‘ilishida Rossiya o‘z ittifoqchisi bo‘lgan Belarusga hujum uyushtirlganida ham yadroviy qurolni ishga solish huquqini o‘zida saqlab qolishini ma’lum qilgandi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
Stoltenberg: “Rossiya NATOni qo‘rqitishga harakat qilmoqda”
Xitoy qit’alararo ballistik raketani ilk bor ommaviy sinovdan o‘tkazdi
Kuniga nechta olma yeyish mumkin? Ommabop mevaning zararli xususiyatlari
Diyetolog qanday qilib non iste’mol qilmasdan qisqa vaqtda ozish mumkinligini aytdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Tramp Zelenskiyning AQSHga tashrifi chog‘ida u bilan uchrashishdan bosh tortdi
Hindiston BMTni isloh qilishga chaqirdi
