Foto: kremlin.ru
Rossiya prezidenti Vladimir Putin RF Xavfsizlik kengashi a’zolari sonini 35 kishiga yetkazdi. Tegishli farmon 30 sentyabr, dushanba kuni normativ-huquqiy hujjatlar rasmiy nashri saytida e’lon qilindi. Xavfsizlik kengashining yangi a’zolari bosh vazirning birinchi o‘rinbosari Denis Manturov va Putinning sobiq qo‘riqchisi, endi esa uning yordamchisi va Rossiya Federatsiyasi Davlat kengashi kotibi Aleksey Dyumin bo‘ldi.
Bundan tashqari, Xavfsizlik kengashi tarkibiga prezidentning Maxsus dasturlari bosh boshqarmasi boshlig‘i Aleksandr Lines, shuningdek, Federal tibbiy-biologiya agentligi rahbari, sobiq sog‘liqni saqlash vaziri Veronika Skvorsova kirdi. Shu bilan birga, sentyabr oyida Federatsiya kengashi raisining birinchi o‘rinbosari lavozimini egallagan «Yagona Rossiya» partiyasi bosh kotibi vazifasini bajaruvchi Vladimir Yakushev Xavfsizlik kengashi tarkibidan chiqarildi.
Rossiya Federatsiyasi Xavfsizlik kengashining raisi — Vladimir Putin, uning o‘rinbosari — Dmitriy Medvedev. Organning vazifalariga milliy xavfsizlikni ta’minlash sohasida davlat siyosatini shakllantirish va uning amalga oshirilishini nazorat qilish kiradi. Kengashning doimiy a’zolari orasida asosiy ijro etuvchi va qonun chiqaruvchi hokimiyat rahbarlari bor. 2024 yilning may oyidan beri Xavfsizlik kengashi kotibi - Rossiyaning sobiq mudofaa vaziri Sergey Shoygu. Undan avvalgi kotib Nikolay Patrushev Putinning yordamchisi lavozimiga tayinlangan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” Isroilning Livandagi operatsiyasiga tayyorligini e’lon qildi
Olimlar artrit va qandli diabetni tashxislash uchun mini-skaner yaratdi
Aholi hayoti va sog‘lig‘iga haqiqiy xavf soluvchi mezonlar reyestri ishlab chiqiladi
Ukraina QK Dnepr deltasidagi eng yirik orollardan chiqarib yuborildi
Olimlar Alsgeymer kasalligining rivojlanishini anglatadigan yana bir alomatni aniqladi
Qozog‘iston ustozi: "Futzalda hayot shunday – bugun sen zo‘rsan, uch kundan keyin esa yo‘q"
Abbosbek Fayzullayev dubl qayd etgan o‘yinda “SSKA” “Ahmat”ni yirik hisobda mag‘lub etdi
"Hizbulloh" yetakchisining o‘limi haqidagi xabarlar tufayli Ali Xomanaiy xavfsiz joyga ko‘chirildi
