Foto: Hummam Sheikh Ali/Xinhua/picture alliance
Isroilning Livanda «Hizbulloh» harakatiga qarshi harbiy amaliyoti boshlanganidan beri yuz mingga yaqin odam mamlakatdan qo‘shni Suriyaga qochib o‘tgan. Bu haqda 30 sentyabr, dushanba kuni BMTning qochqinlar bo‘yicha oliy komissari Filippo Grandi ma’lum qildi.
Grundining so‘zlariga ko‘ra, chegaraga kelayotgan odamlar oqimi to‘xtamagan. Birlashgan Millatlar Tashkilotining Qochqinlar bo‘yicha Oliy komissarligi qo‘shimcha qilishicha, BMT xodimlari Suriya chegarasidagi to‘rtta nazorat-o‘tkazish punktida yangi kelganlarga yordam berish uchun mahalliy hokimiyat va Qizil Yarim oy xodimlari tomonidan qo‘llab-quvvatlanmoqda. Aniqlik kiritilishicha, qochqinlarning 60 foizga yaqini suriyaliklar, qolgan 40 foizi livanliklardir.
Avvalroq Livan bosh vaziri Najib Mikati Isroilning mamlakat bo‘ylab yirik havo hujumlari boshlanganidan so‘ng, uylarini tashlab ketganlar soni bir millionga yaqinlashganini aytgan edi. U buni «Livan tarixidagi odamlarning eng katta ko‘chishi» deb atadi.
Isroil Livan janubida «Hizbulloh»ga qarshi operatsiya boshladi
Isroil Livan janubidagi chegara hududida «Hizbulloh» guruhi nishonlariga qarshi «cheklangan, mahalliylashtirilgan va maqsadli reydlar» boshladi. Bu haqda Isroil mudofaa kuchlari (SAHAL) 1 oktyabrga o‘tar kechasi bayonot berdi.
Bayonotda, Isroil havo kuchlari va SAHAL artilleriyasi hududdagi harbiy nishonlarga «aniq zarbalar» berib, Isroil quruqlikdagi kuchlarini qo‘llab-quvvatlayotgani aytiladi. «Shimol o‘qlari» operatsiyasi mavjud vaziyatni baholashga muvofiq va G‘azo sektori va boshqa hududlardagi janglar bilan parallel ravishda davom etadi, deya ta’kidlaydi SAHAL.
Dushanba kuni kechqurun Al Arabiya va Al Hadath telekanallari Isroil tanklari Rmeysh qishlog‘i hududida joylashgani haqida xabar berishdi. Bundan oldin Isroilning zirhli texnikalari artilleriya va aviatsiya niqobi ostida Livanning chegara hududlariga kirib kelgani haqida xabarlar tarqalgan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK Dnepr deltasidagi eng yirik orollardan chiqarib yuborildi
“Hizbulloh” Isroilning Livandagi operatsiyasiga tayyorligini e’lon qildi
Olimlar artrit va qandli diabetni tashxislash uchun mini-skaner yaratdi
Aholi hayoti va sog‘lig‘iga haqiqiy xavf soluvchi mezonlar reyestri ishlab chiqiladi
Olimlar Alsgeymer kasalligining rivojlanishini anglatadigan yana bir alomatni aniqladi
«Hizbulloh» rahbarini yo‘q qilish bo‘yicha operatsiya tafsilotlari ma’lum bo‘ldi
Shahzoda Garri farzandlarining kelajagidan xavotirda ekanini bildirdi
Dog‘istonda AYOQSHda sodir bo‘lgan portlashda 10 kishi halok bo‘ldi
