Foto: “RBK”
Gamburg sudi Germaniyaning ARD telekanali tomonidan Alisher Usmonov haqida tarqatilgan xabarni haqiqatdan yiroq deb topdi. ARD telekanali Alisher Usmonov Xalqaro qilichbozlik federatsiyasi (FIE) sudyalariga pora berish tizimini yaratganlikda ayblagandi.
“Sud ARD telekanali tomonidan e’lon qilingan ma’lumotni ishonchsiz deb topdi va bu ma’lumotni “shubhaga asoslangan nomaqbul xabar” sifatida tarqatishni taqiqladi. Sud taqiqi buzilgan taqdirda, qoidabuzar har bir epizod uchun 250 ming yevrogacha jarima yoki qamoq jazosiga hukm qilinadi”, deyiladi xabarda.
Alisher Usmonov matbuot xizmati ta’kidlaganidek, 2022—2024 yillarda Yevropaning bir qator OAV, birinchi navbatda, Germaniya matbuoti biznesmenga nisbatan o‘z ayblarini isbotlay olmaganliklarini tan olishgan va ularning noqonuniy tarqatilishini to‘xtatish bo‘yicha yozma majburiyatlarni imzolagan. Ayni paytda Usmonov foydasiga 30 ga yaqin shunday bayonotlar yangragan. Sud jarayonlari natijasida tadbirkorning advokatlari Yevropa ommaviy axborot vositalari tomonidan yolg‘on ma’lumotlar tarqatilishiga qarshi ko‘plab ko‘rsatmalarga ega bo‘lishdi.
“Eng muhimlaridan biri 2024 yil yanvarida Amerikaning Forbes jurnali tomonidan Usmonovga nisbatan qilingan bayonotlarni taqiqlash to‘g‘risidagi sud qarori bo‘ldi. Avvalroq Alisher Usmonov Avstriyaning Kurier gazetasiga qarshi sudda ham g‘alaba qozongandi”, deya ta’kidladi matbuot xizmati.
Sudga murojaat qilish sababi 2024 yil avgust oyida Germaniyaning ARD milliy kanali tomonidan efirga uzatilgan Parijdagi Olimpiya o‘yinlaridagi qilichbozlik haqidagi ikkita maqola va videoreportaj bo‘ldi. Ularda jurnalist Xans-Yoaxim Seppelt Yevropa Ittifoqi sanksiyalari tufayli 2022 yil boshida FIE prezidenti lavozimidan o‘z ixtiyori bilan ketgan Alisher Usmonovni ushbu sport turida “hakamlarga pora berish” tizimini yaratishda ayblagan. ARD telekanalining ayblovlari FIE rahbariyati tomonidan rasman rad etildi.
Matbuot xizmatining tushuntirishicha, Germaniyaning Sport1.de internet nashri va ARD'ning noto‘g‘ri bayonotlarini qayta nashr etgan Avstriyaning Krone.at gazetasi Usmonovning advokatlari talabiga binoan o‘z materiallarini tuzatgan. Biroq ARD telekanali noaniq ma’lumotni ixtiyoriy ravishda tuzatishdan bosh tortdi.
“Shubhali guvohlar tomonidan tarqatilgan g‘iybat, uydirma, taxmin va mish-mishlardan boshqa hech qanday dalil yo‘q. Haqiqat, inson qadr-qimmatini hurmat qilish va ishonchli ma’lumotni tarqatish Germaniya jurnalistik etikasi kodeksining asosidir. Mazkur kodeks davlat teleradiokompaniyasi tomonidan qo‘pol ravishda buzilgan”, dedi sudda Usmonovning manfaatlarini himoya qiluvchi advokat Yoaxim Shtaynxofel. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
