Marokash xorijiy sayyohlarning puliga choʻmilmoqda

^{Foto: Azertag}
Marokash avgust oyida sayyohlik sohasida chet el valyutasida misli koʻrilmagan darajada koʻp — $1,7 mlrd daromad oldi. Bu haqda Morocco World News xabar berdi.

Mamlakat turizm vazirligi daromad oʻtgan yilning avgustiga nisbatan 20 foizga oshganini ma'lum qildi.

«Ijobiy an'ana yil boʻyi davom etib, 2024 yilning dastlabki 8 oyida yalpi daromad 7 foizga oshib, 76,4 mlrd dirhamgacha etdi», — deyiladi vazirlik bayonotida.

Dollar koʻrinishida mamlakat turizm sohasining 2024 yildagi daromadi 7,8 mlrd dollardan oshdi.

Ijobiy natijalarni izohlarkan, turizm vaziri Fotim-Zahro Ammor sayyohlik sohasi COVID-19 pandemiyasi inqirozidan chiqilgan paytdan buyon oʻsishda davom etayotganini aytdi.

Marokashga avgustda 1,8 mln, yil boshidan buyon qariyb 12 mln xorijlik sayyoh tashrif buyurdi.

Ammo bu chegara emas, Marokash 2026 yilda chet ellik 17,5 milliondan ortiq sayyohni mamlakatga jalb qilmoqchi. “Zamin” yangiliklarini “Telegram”da kuzatib boring