Eron Rossiyaga ballistik raketa etkazib berayotgani uchun Evropa ittifoqi sanktsiyalar joriy qiladi

^{Foto: “Ua.depositphotos.com”}
Evropa Ittifoqi yaqin orada Eronning ballistik raketalarni Rossiyaga topshirishi bilan bogʻliq shaxslar va tashkilotlarga nisbatan sanktsiyalar joriy qiladi. Bu haqda evropalik ikki diplomat va EIning yuqori martabali amaldori ma'lum qildi, deb yozadi Reuters.

Diplomatlardan biri Evropa Ittifoqi tashqi ishlar vazirlari raketalarni etkazishda yordam bergan 14 nafar shaxs va tashkilotga, jumladan, aviakompaniyalar va boshqa kompaniyalarga nisbatan sanktsiyalar joriy etishini aytdi.

Shu bilan birga, evropalik rasmiylar ular qanday kompaniyalar yoki shaxslar ekanligini aytishmadi. Avvalroq Iran Air milliy aviakompaniyasiga nisbatan cheklovlar qoʻllanilishi mumkinligi haqida xabar berilgan edi.

Oʻz navbatida, EI vakillari Evropa davlatlari oʻrtasida Eronning qudratli harbiy kuchi – Islom inqilobi qoʻriqchilari korpusiga qarshi sanktsiyalar qoʻllash yoki qoʻllamaslik borasida kelishmovchiliklar davom etayotganini ta'kidladi. “Zamin” yangiliklarini “Telegram”da kuzatib boring