“Tolibon” opium oʻrniga fermerlarga bugʻdoy va makkajoʻxori urugʻi tarqatdi

^{Foto: AFP}
“Tolibon” opium etishtirishni taqiqlaganidan soʻng, butun mamlakat boʻylab fermerlarga 100 ming tonnaga yaqin bugʻdoy va makkajoʻxori urugʻlari, shuningdek, 200 ming tonna kimyoviy oʻgʻit tarqatdi. Bu haqda Afgʻoniston Qishloq, irrigatsiya va chorvachilik vazirligi xabar berdi.

“Dehqonlarni qoʻllab-quvvatlash uchun urugʻ va oʻgʻitlar milliy hamda xalqaro tashkilotlar bilan yaqin hamkorlikda respublika boʻylab tarqatildi”, dedi vazirlik matbuot kotibi Misbahouddin Mustain.

Unga koʻra, joriy yil oxirigacha fermerlar yana 53 ming tonna urugʻ oladi. Bugungi kunda makkajoʻxori va bugʻdoy etishtirish fermerlarga koʻknori ekishdan oladigan daromadni keltirmayapti. Shu sababli, ular qishloq xoʻjaligi vazirligidan opium oʻrniga donli ekinlardan koʻra daromadliroq ekin berish imkoniyatini soʻramoqda.

“Tolibon” 2023 yil Hilmand viloyatida opium oʻrniga ekish uchun muqobil variant sifatida xurmo palmasini aytgandi. Birinchi hosilni 19 oydan keyin yigʻib olish mumkin, bundan tashqari, palma daraxti bugʻdoyga qaraganda kamroq suv iste'mol qiladi. Hilmandning quruq iqlimi bunga mos kelishi ta'kidlangan. “Tolibon” oʻshanda yangi hosilga 100 gektar er ajratilishini aytgandi. “Zamin” yangiliklarini “Telegram”da kuzatib boring