«Hizbulloh» Isroilga 320 ta raketa va snaryadlar uchirdi

^{Foto: AFP}
Isroil mudofaa kuchlari (SAHAL) 12 oktyabr, shanba kuni «Hizbulloh» harakati tomonidan mamlakat boʻylab 320 ta raketa va snaryadlar uchirilganini qayd etdi, deb xabar berdi armiya matbuot xizmati.

«Hizbulloh» tomonidan ommaviy oʻqqa tutish yahudiylarning asosiy bayramlaridan biri Yom Kipur paytida sodir boʻldi. SAHAL ma'lumotlariga koʻra, raketa va dronlarning aksariyati Isroil havo hujumidan mudofaa kuchlari tomonidan tutib olingan, qolganlari esa ochiq joylarga qulagan.

Isroil OAV xabar berishicha, ikki isroillik shimoliy Akko shahri yaqinida engil jarohatlar olgan. Tel-Aviv yaqinidagi Gertsliya kurortida dron havo hujumidan mudofaa tizimini engib oʻtdi va binolarga zarar etkazdi. «SAHAL Isroil va uning xalqini «Hizbulloh» tashkiloti tahdididan himoya qilishda davom etadi», — deya ma'lum qildi SAHAL.

Sholts: Germaniya Isroilga qurol etkazib berishda davom etadi

Germaniya Isroilga qurol etkazib berishda davom etadi, deya ma'lum qildi Olaf Sholts. «Biz qurol etkazib berdik va tez orada yangi etkazib berishlar boʻladi», dedi Germaniya kantsleri 10 oktyabr kuni Bundestagdagi debatda.

Shu tariqa, Sholts muxolifatdagi konservativ Xristian-demokratik ittifoq (XDI) raisi Fridrix Mertsning aybloviga javob qaytardi. Uning ta'kidlashicha, Germaniya hukumati Isroilga oʻq-dorilarni eksport qilish va bu mamlakatga tanklar uchun ehtiyot qismlarni etkazishga ruxsat berishdan bosh tortgan.

Fridrix Mertts, shuningdek, XDI bloki va Bavariya Xristian-sotsial ittifoqi (XSI)dan Germaniya kantsleri lavozimiga nomzod. Hozirda XDI/XSI Germaniyadagi eng mashhur siyosiy kuchdir. Soʻrovlar shuni koʻrsatdiki, saylovchilarning 33 foizi uni qoʻllab-quvvatlashga tayyor. Olaf Sholts boshchiligidagi Germaniya Sotsial-demokratik partiyasi (GSDP)ni oʻz ichiga olgan hukmron koalitsiyani 30 foiz qoʻllab-quvvatlagan. Bundestagga navbatdagi saylovlar 2025 yil 28 sentyabrga belgilangan. “Zamin” yangiliklarini “Telegram”da kuzatib boring