Davlat dumasi isyon uchun umrbod qamoq jazosini birinchi oʻqishda ma'qulladi

^{Foto: Fargoh}
Davlat dumasi qurolli isyonda qatnashganlik uchun jazoni kuchaytiruvchi qonun loyihasini birinchi oʻqishda qabul qildi. Hujjat 15 oktyabr, seshanba kuni uning saytida e'lon qilindi.

Vazirlar mahkamasi Rossiya Federatsiyasi Jinoyat kodeksining 279-moddasiga oʻzgartirish kiritishni taklif qilmoqda.

Qonun loyihasiga koʻra, Rossiya konstitutsiyaviy tuzumini agʻdarish yoki majburan oʻzgartirish yoxud hududiy yaxlitligini buzish maqsadida isyon uyushtirganlik yoki unga rahbarlik qilganlik uchun 15 yildan 20 yilgacha ozodlikdan mahrum qilish nazarda tutilgan.

Ishtirok etish 12 yildan 20 yilgacha ozodlikdan mahrum qilish bilan jazolanadi.

Agar isyon jiddiy oqibatlarga, jumladan oʻlimga olib kelgan boʻlsa, jazo 500 ming rubldan 1 million rublgacha jarima bilan 15 yildan 20 yilgacha qamoqni tashkil qilishi mumkin. Umrbod qamoq jazosi ham nazarda tutilgan.

Rossiyada Stalinga haykal qoʻyiladi

Vologdada sovet diktatori Iosif Stalin haykali oʻrnatiladi, uning hukmronligi davrida millionlab odamlar SSSRda ommaviy qatagʻon qurboniga aylangan. Qaror «jamoatchilik murojaatlari» va tegishli soʻrov mavjudligi munosabati bilan qabul qilindi, dedi Vologda oblasti gubernatori Georgiy Filimonov 11 oktyabr kuni.

U «shaxs rolining noaniq talqiniga» qaramay, «buyuk yutuqlarni tan olish, mamlakat tarixini bilish, u bilan faxrlanish» zarurligini ta'kidladi. “Zamin” yangiliklarini “Telegram”da kuzatib boring