Makronning Isroil davlati yaratilishi haqidagi soʻzlariga Netanyaxu qanday javob berdi?

^{Foto: AP}
Isroil bosh vaziri Binyamin Netanyaxu yahudiy davlati BMT qarori bilan yaratilgani haqidagi gaplaridan keyin Frantsiya prezidenti Emmanuel Makronni tarixni bilmaslikda aybladi. U, shuningdek, qurol etkazib berishni toʻxtatish chaqirigʻini sharmandalik deb atadi.

Isroil hukumati rahbari Le Figaro gazetasiga bergan intervyusida Frantsiya prezidentining nutqini izohlab, Frantsiyani doʻst deb atagan va uni yahudiy davlati tomonida boʻlishga chaqirgan.

Binyamin Netanyaxu Emmanuel Makronning Isroil BMT tomonidan yaratilgani haqidagi soʻzlarini “tarixdan bexabarlik va hurmatsizlik” dalili deb hisoblaydi. “BMT yahudiy xalqining davlatga boʻlgan huquqini tan oladi, lekin, bu davlatni ular tuzmagan”, degandi Makron.

Netanyaxuning ta'kidlashicha, BMT 1948 yilgi urushda qatnashmagan; uning ishtirokchilari “Holokost va Vishi rejimidan omon qolgan” odamlar boʻlgan. “Birlashgan Millatlar Tashkiloti Isroil davlatini yaratdi deyish tarixni ayanchli buzib koʻrsatishdir”, deya qoʻshimcha qildi Netanyaxu.

Isroil bosh vaziri Makronning qurol etkazib berishni toʻxtatish haqidagi chaqirigʻini bevaqt deb hisoblaydi, chunki ayni paytda Eron Yaqin Sharqda Isroil bilan urush olib borayotgan guruhlarni qurollantirmoqda.

“Men bu chaqiruvni sharmandali deb bilaman, garchi biz Frantsiyadan qurol olmayotgan boʻlsak ham. Umid qilamanki, Frantsiya oʻz siyosatini oʻzgartiradi va biz Livan barqarorligi yoʻlida, shuningdek, boshqa mintaqaviy masalalarda hamkorlik qilishimiz mumkin”, dedi Isroil bosh vaziri.

Makronning Isroil “BMT qarori bilan yaratilgan” degan bayonoti Vazirlar kengashining yopiq majlisida aytilgan. Ayni paytda Livanda Isroil armiyasi “Hizbulloh”ga qarshi operatsiya oʻtkazmoqda. BMT tinchlikparvar kuchlari oktyabr boshidan beri Isroil tomonidan oʻz pozitsiyalariga hujum qilingani haqida bir necha bor xabar bergan. “Zamin” yangiliklarini “Telegram”da kuzatib boring