Isroil HAMAS etakchisi oʻldirilishidan oldingi kadrni koʻrsatdi (video)

^{Foto: Videodan kadr}
Isroil armiyasi HAMAS etakchisi Yahyo Sinvar oʻldirilishidan bir necha daqiqa oldin suratga olingan kadrni namoyish qildi. Kadrlar Gʻazo sektorining janubidagi binoda drondan olingan.

Videoda dron yarim vayronaga aylangan uyga kirgani, uning ichida yuzi va boshi mato bilan qoplangan, qoʻli ham yaralangan erkak oʻtirganini koʻrish mumkin.

HAMAS etakchisi deb taxmin qilinayotgan erkak bir qoʻli bilan tayoqni ushlab, uni dronga uloqtirgan. Ammo nishonga tegmagan. Dronning suratga olish jarayoni shu joyida tugagan.

Yahyo Sinvar Gʻazo sektorida tugʻilgan va HAMASning jangchilari qanoti asoschilaridan biri. U 22 yildan ortiq vaqtini Isroil qamoqxonalarida oʻtkazgan va 2011 yilda falastinlik asirlarni garovga olingan isroillik askarlarga almashish boʻyicha kelishuv doirasida ozod etilgandi.

17 oktyabrda Isroil armiyasi Sinvarning oʻldirilgani haqida e'lon qildi, u snayper tomonidan otib oʻldirilgan. Ommaviy axborot vositalari ma'lumotlariga koʻra, HAMAS rahbari oʻlimini dastlabki DNK ekspertizasi bilan tasdiqlangan. Isroil bosh vaziri Binyamin Netanyaxu barcha garovga olinganlar anklavdan qaytarilmaguncha armiya Gʻazo sektorida qolishini aytgan. Isroil va HAMAS oʻrtasidagi urush 2023 yil 7 oktyabrdan beri davom etmoqda, shu vaqtdan beri Falastin tomoni ma'lumotlariga koʻra, Gʻazoda 42 mingdan ortiq odam halok boʻlgan.

Isroil 31 iyul kuni HAMAS siyosiy byurosi rahbari Ismoil Haniyani oʻldirgandi. Uning Tehrondagi qarorgohiga qilingan hujum oqibatida u va tansoqchilaridan biri halok boʻlgandi. Shundan soʻng uning oʻrnini Yahyo Sinvar egallagandi.

28 sentyabr kuni esa Livanning “Hizbulloh” harakati bosh kotibi Hasan Nasrulloh Bayrutning janubiy chekkasida uyushtirgan havo hujumida halok boʻlgandi. Isroil shu kuni tonnalab bombalar bilan 6 ta bino va bunkerlarni portlatib yuborgan. Ulardan biri “Hizbulloh” etakchisi boʻlgandi. “Zamin” yangiliklarini “Telegram”da kuzatib boring