Kim Chen In singlisi Ukraina va Janubiy Koreyani “beadab itlar” deb atadi

^{Foto: “TASS”}
Shimoliy Koreya yetakchisi Kim Chen Inning singlisi Kim Yo Chjon Janubiy Koreya va Ukrainani “ikki tomchi suvdek o‘xshash” deb ta’riflab, ikkala davlatni “AQSH tomonidan tarbiyalangan beodob itlar” deb atadi. Bu haqda “TASS” xabar berdi.

“Seul va Kiyevning xatti-harakatlariga qarab, ularning shoshilinch harakat qilishlari, tilanchilik qilishlari va yadroviy qurolga ega bo‘lgan davlatlar haqida qaytarib bo‘lmaydigan bema’ni gaplarni aytishga jur’at etishlari, ularni ikki tomchi suvdek o‘xshash ekanini ko‘rsatmoqda. Buni AQSH tomonidan tarbiyalangan odobsiz itlarga xos bo‘lgan umumiy xususiyatlar deb atash mumkin”, dedi Mehnat partiyasi Markaziy qo‘mitasi rahbari o‘rinbosari Kim Yo Chjon.

Kim Chen Inning singlisi Janubiy Koreya dronlarining KXDR havo hududini buzishi bilan bog‘liq hodisalar sababli yana qo‘shni davlatni tanqid qildi. Kim Yo Chjon Shimoliy Koreya tergov organlari hodisani o‘rganishni davom ettiraytoganini aytdi.

“Bizning qasosimiz va javobimiz qanday bo‘lishini hech kim bilmaydi”, deya qo‘shimcha qildi u.

KXDR 19 oktyabr kuni Pxenyan atrofida uchuvchisiz uchish apparati qoldiqlari topilganini ma’lum qildi. Ekspertlar bu dronlar bilan operatsiyalar o‘tkazishga mas’ul Janubiy Koreya maxsus qo‘mondonligiga tegishli ekanini bildirdi. KXDR Mudofaa vazirligi vakili bunday apparat Koreya Qurolli kuchlari kunini nishonlash paytida namoyish etilganini aytdi. Janubiy Koreya tomoni bunga izoh berish borasida harbiylar Pxenyan da’volarini tasdiqlay olmasligini bildirdi. “Zamin” yangiliklarini “Facebook”da kuzatib boring