Foto: Anadolu
Pentagon 2024 yil 30 sentyabrda yakunlangan moliyaviy yilda harbiy razvedka uchun 29,8 milliard dollar sarflaganini ma’lum qildi.
Qisqa bayonotda ta’kidlanishicha, “Ushbu dastur tafsilotlari yoki uni moliyalashtirishga oid boshqa hech qanday ma’lumot berilmaydi, chunki ular milliy xavfsizlik nuqtayi nazaridan maxfiy qoladi”.
O‘tgan yili Qo‘shma Shtatlar harbiy razvedka uchun 27,9 milliard dollar, 2022 yilda 24,1 milliard dollar va 2021 yilda 23,3 milliard dollar sarflagan.
Avvalroq dunyo mamlakatlari 2023 yilda harbiy xarajatlar uchun 2,44 trillion dollar sarflagani ma’lum qilingandi.
AQSH, Xitoy, Rossiya, Hindiston, Saudiya Arabistoni, Buyuk Britaniya, Germaniya, Ukraina, Fransiya va Yaponiya 2023 yilda harbiy budjetga eng ko‘p mablag‘ ajratgan davlatlar o‘ntaligiga kirgan. 2024 yilda ham ularning armiyaga tikadigan mablag‘i faol oshishi prognoz qilingan.
2023 yilda AQSHning harbiy sohaga ajratgan budjetida 2,3 foiz o‘sish kuzatilib, jami 916 milliard dollarni tashkil etgan. 296 milliard dollarlik harbiy budjet bilan Xitoy 6 foizlik o‘sish qayd etgan. Rossiyada esa bu yo‘nalishdagi budjet mablag‘i 24 foizga oshib, 109 milliard dollarlik chegaraga yetgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Putinning maslahatchisi yadro qurolini “Xudoning tuhfasi” deb atab, undan foydalanishga chaqirdi
“Hizbulloh” rahbari: Urush qancha davom etmasin, o‘t ochishni to‘xtatishni so‘ramaymiz
Yangi Cobalt Midnight 7,3 million so‘m qimmatroq bo‘ladi
Vazirlik va idoralar xodimlari soni qisqartirilmoqda
Isroil hujumidan keyin Eron harbiy budjetini 200 foizga oshiradi
Eron yaqin kunlarda Isroilga «halokatli zarbalar» bermoqchi
Xitoy tovushdan tez uchuvchi yo‘lovchi samolyotni sinovdan muvaffaqiyatli o‘tkazdi
Mayk Tayson: "Kasalxonada o‘lgandan ko‘ra, ringda o‘lganim afzal"
